ನಾಟಕವಿದು ಹಳೆ ನಾಟಕ
ನೋಟಕೆ ಇದು ಬಲು ನೂತನ ಪ
ನಾಟಕ ಮಂದಿರ ಜಗವೆಲ್ಲ ಕಂಡಿರ
ನೋಟವು ಯಾರದೊ ಆಟವು ಯಾರದೊ ಅ.ಪ
ಇರುಳೊಳು ರಾಜಾಧಿರಾಜನಿವ
ಹಗಲಲಿ ಭಿಕ್ಷಕೆ ಹಾಜರಿವ
ಮುಗಿವುದು ಎನ್ನಯ ಪಾತ್ರವೆನ್ನುವುದೆ
ಹಗಲಿನತನಕವು ಕಾಣನಿವ 1
ಯುದ್ಧವು ದಿನವೊ ಈ ನಾಟಕದಿ
ಗೆದ್ದವರೊಬ್ಬರ ತೋರಿಸಿ
ಯುದ್ಧದಗೋಚಿಗೆ ಹೋಗದೆ ಶಾಂತಿಯೊ
ಳಿದ್ದ ಜನರೆ ಗೆದ್ದವರಿಲ್ಲಿ 2
ಕಲಿಪುರುಷನ ದೊಡ್ಡ ಸಭೆಯಲ್ಲಿ
ಕುಳಿತು ಮಾತಾಡುವರಾರು ಜನ
ಕಳುಹಿಸಲೊಬ್ಬನು ಇಳೆಯೊಳಗೊಬ್ಬರ
ಉಳಿಸದೆ ಗೆಲುವೆನು ನೋಡು ಪ್ರಭು 3
ಶೌರ್ಯ ಸಾಹಸ ಕಾಪಟ್ಯಗಳಾ
ಶ್ಚರ್ಯವು ಒಂದೊಂದು ದೃಶ್ಯದಲೂ
ಯಾರ್ಯರೆಂಬುದ ಕಾಣದೆ ವೇಷದ
ಮರ್ಯಾದೆಯು ವರ್ಣಿಪುದೆಂತು 4
ಕುಣಿವರು ಒಂದೆಡೆ ದಣಿವರು ಒಂದೆಡೆ
ಕೊನೆ ಮೊದಲಿಲ್ಲವೀ ನಾಟಕಕೆ
ಪ್ರಣಯಹನನ ದೃಶ್ಯಗಳನು ಒಂದೇ
ಕ್ಷಣದಲಿ ತೋರುವ ಅಸದೃಶ್ಯದ 5
ಹೊಸ ಹೊಸ ದೃಶ್ಯವು ಹೊಸ ಹೊಸ ಪಾತ್ರವು
ಪುಸಿಯಲ್ಲವು ಈ ನಾಟಕವು
ಶಶಿಕುಲದರಸ ಪ್ರಸನ್ನನಾಗಿ ತಾ
ಮುಸಿ ಮುಸಿ ನಗುತಲಿ ನೋಡುತಿಹ 6

ರೂಪತೋರೆನಗೆ ಗುರುವೆರೂಪತೋರೆನಗೆರೂಪನಾಮಕೆ ವಿರಹಿತನಾದ ದೇವನೆರೂಪತೋರೆನಗೆಪಬ್ರಹ್ಮಾಂಡ ತಂಡಗಳೊಳು ಹೊರಗಾವರಸಿಕೊಂಡುಬ್ರಹ್ಮಾಂಡ ಖಂಡಗಳ ಬೆಳಗುವೆ ವಿರೂಪವೆಡೆಗೊಂಡು1ನಿನ್ನ ತೇಜಸ್ಸಿನಿಂದ ತೋರ್ಪುದು ತೋರ್ಪ ಜಗವೆಲ್ಲನಿನ್ನನುಳಿದೇ ಬೇರೆ ತೋರೆನಲವಕಾಶವ ಇಲ್ಲ2ನಾದ ಬಿಂದುಕಳೆ ನೀನೆಂಬೆನೆ ದೃಶ್ಯವು ಇವು ಎಲ್ಲನಾದ ಬಿಂದುಕಳೆ ಸಾಧಕಗಳು ವಸ್ತು ನಿಜವಲ್ಲ3ಬೋಧಾನಂದ ತುರೀಯಗಳೆಂಬೆನೆ ಆ ಅವಸ್ಥೆಗಳೆಲ್ಲಬೋಧಾನಂದ ತುರೀಯದಿ ನೋಡಲು ಎದುರಿದ್ದವು ಎಲ್ಲ4ನಿರ್ವಿಕಾರ ನಿರ್ಗುಣ ನಿರವಯನಿರಂಜನಸ್ಪೂರ್ತಿ ಪರಮಗುರು ಪರಬ್ರಹ್ಮ ಚಿದಾನಂದಮೂರ್ತಿ5