ಸಾರಿ ಹೇಳಿದೆ ಮೂರು ಬಾರಿ ಮನ
ಬಾರದಿದ್ದವರು ದೂರಿದರೆನ್ನ ದೂರಿಪ
ನರದೇಹವಿದು ನಂಬಬೇಡಿ ಭವ
ಶರಧಿಯ ದಾಟಲುಪಾಯವ ಮಾಡಿ
ಎರವಿನ ತನುವನು ನೋಡಿ ಶ್ರೀ
ಗುರುವಿನ ಚರಣಕ್ಕೆ ಶೆರಗೊಡ್ಡಿ ಬೇಡಿ 1
ಗುರುವಿನಿಂದಧಿಕ ದೈವವಿಲ್ಲಾ ಇದ
ನರಿಯದೆ ಕೆಡುವರು ಪ್ರಾಣಿಗಳೆಲ್ಲಾ
ಅರಿತ ಸುಜ್ಞಾನಿಯೆ ಬಲ್ಲಾ ಉಪ
ಕರಿಸಿ ಪೇಳುವೆನು ಕೇಳಿರೋ ಎನ್ನ ಸೊಲ್ಲಾ 2
ಸರಸಿಜೋದ್ಭವನ ಕೈಮಾಟಾ ಚೆಲ್ವ
ಗಿರಿಜಾರಮಣನ ಸೂತ್ರದ ಗೊಂಬೆಯಾಟಾ
ಬರಿದೆ ವಿಷ್ಣು ಮಾಯಾಕಾಟಾ ಶ್ರೀ
ಗುರುವಿಮಲಾನಂದ ಹೇಳಿದ ಪಾಠಾ 3

ಸುಮ್ಮನೆ ದೂರಿದರೆ ನಾನೆಂಬೆನು ರಂಗಂ
ಗುಮ್ಮ ಬಂದನು ಎಂದರಂಜುವನು ಪ
ಸುಳ್ಳು ಸಟೆಯನಾಡಬೇಡಿರೇ ಜಾತಿ
ಗೊಲ್ಲತಿ ಯರು ನೀವಾದರೆ
ಎಲ್ಲನಾರಿಯರೊಂದು ಗೂಡಿರೆ ಕಟ್ಟಿ
ಕಳ್ಳ ಕೃಷ್ಣನ ತಂದು ತೋರಿರೆ 1
ಮುತ್ತಿ ಚಂಡಾಟವಾಡುವ ನಂದ
ನೊತ್ತಿಲಿ ಪಾಲ್ಬೆಣ್ಣೆ ಮೆಲ್ಲುವ ಪಣಿಗೆ
ವತ್ತು ಪೊಂಗಳಲ ನುಡಿಸುವ 2
ಕಾಲೊಳಂದಿಗೆ ಗಜ್ಜೆ ಧ್ವನಿ ಮಾಡುವ ತನ್ನ
ತಾಳ ಗತಿಗೆ ತಾನೆ ಕುಣಿದಾಡುವ ನಂದ
ನೋಲಗವನ್ನು ಕ್ಷಣ ಬಿಡದಿರುವ ಲಕ್ಷ್ಮೀ
ಲೋಲ ತನ್ನೊಳು ತಾನೆ ನಲಿದಾಡುವ 3