ಕವಿ ಅಭಯ ಬೇಡೋ ಸುಮನ ಸುಂದರ ಶ್ರೀ ಹರಿಯ ಪ್ರಿಯ | ಅಭಯ ಬೇಡೋ ಸುಮನ ಸುಂದರ ಪ
ಅಭಯ ಬೇಡೋ ಪ್ರಿಯ ರಮಾವಿಭು ಜಗನ್ನಿವಾಸನೊಡನೆ ಉಭಯ ಸುಖವ ನೀವ ಚೆಲ್ವ ಅಂಬುಜನೇತ್ರ ಸೊಬಗನೆಂದು ಅ.ಪ
ಚಾರು ಮಾರ ಪಿತನ 1
ನೊಂದು ವಾರಣೇಂದ್ರ ತನ್ನ ದಂದುಗದಲಿ ನುತಿಸಲು | ಬಂದು ರಕ್ಷಿಸಿದ ಮುಕುಂದ ಸಿಂಧುಶಾಯಿಯೆಂದು ಹರಿಯ 2
ಪರಾಕು ಎನುತ 3
ಕಿಂಕರೌಘ ಸುಪ್ರಸನ್ನ ಸಂಕಟೌಘಧ್ವಂಸನ ವೆಂಕಟೇಶವರದ ಒಳಲಂಕೆಯಧಿಪ ಗುರು ನೃಹರಿಯ 4

ನೀನೆ ದಯಮಾಡಲು ನಾನುದ್ಧಾರಾಗುವೆನು
ಏನೇನು ಪರಲೋಕ ನಾನರಿಯೆ ಶ್ರೀಹರಿಯೆ ಪ
ಹೀನಸಂಸಾರದೊಳಗೆ ಮುಳುಗಿ
ಶ್ವಾನನಂದದಿ ಕರಗಿ ಕೊರಗಿ
ಜ್ಞಾನಶೂನ್ಯನಾಗಿ ಬಳಲುವೆ
ಜ್ಞಾನಮೂರುತಿ ಅಭಯ ಪಾಲಿಸು ಅ.ಪ
ಉದಯದಲ್ಲೇಳುತ ಸದಮಲ ತವಪಾದ
ಮುದದಿಂದ ನೆನೆಯದೆ ಅಧಮತನದಿ ವಿಧವಿಧದಿ
ಅಧಮಜನರ ಸುದ್ದಿ ವದನದಿಂದಾಡುತ
ಮುದಿಕೋಣನಂದದಿ ಮದಮುಚ್ಚಿ ನಡೆದೆ ಎಡಬಿಡದೆ
ಕುದಿದೆನನುದಿನ ಪರರ ಮನೆ ಸಂ
ಪದವ ನೋಡಿ ಸಹಿಸದವರ
ಸದನ ಮುರಿಯುವ ಬುದ್ಧಿ ಹುಡುಕಿದೆ
ಪದುಮನಾಭಪರಾಧ ಕ್ಷಮಿಸಿ1
ಒಂದು ನಾನರಿಯದೆ ಮುಂದೆ ಭಲಾಯೆಂದು
ಹಿಂದೆ ನಿಂದಿಸಿ ನಕ್ಕೆ ದ್ವಂದ್ವಕರ ಬಡಿದು ಬಲು ಜರಿದು
ಹಂದ್ಯಮೇದ್ಯಕಂಡಾನಂದಿಪತೆರದನ್ಯ
ಸುಂದರಿಯರ ನಯನದಿಂದ ನೋಡಿದೆ ಎವೆಯಿಕ್ಕದೆ
ಇಂದಿರೇಶನೆ ನಿಮ್ಮ ಪಾದವ
ಒಂದೆ ಮನದಿಂ ಭಜಿಸದೆ ಭವ
ದಂದುಗದಲಿ ಬಿದ್ದು ನೊಂದವ
ಕಂದನೊಳು ಕೃಪಾದೃಷ್ಟಿಯಿತ್ತು 2
ದಾಸಜನರ ಆವಾಸ ನಾ ಬಯಸದೆ
ಈಷಣ ಪ್ರಪಂಚದ್ವಾಸನದಲ್ಲಿ ಬಹು ತೊಳಲಿ
ಆಸೆಯೆಂಬುವ ಮಹಪಾಶದಬಲೆಯೊಳು
ಘಾಸಿಯಾಗುವೆ ಸಿಲ್ಕಿ ಸೋಸಿ ನೋಡದಲೆ ಮರೆ ಮೋಸದಲಿ
ದಾಸ ಬುದ್ಧಿಯಿಂದ ಮಾಡಿದ ಬಲು
ದೋಷರಾಶಿಗಳೆಲ್ಲ ನಾಶಿಸಿ
ಶ್ರೀಶ ಶ್ರೀರಾಮ ನಿಮ್ಮ ಪಾದ
ದಾಸನಿಗೆ ನಿಜಧ್ಯಾಸ ನಿಲ್ಲಿಸು 3