ಸಂಗ ವಿಡಿ ವಿಡಿ ಸಾಧು ಸಂಗ ವಿಡಿ ವಿಡಿ |
ಸಂಗ ವಿಡಿಯಂಗದೊಳಗ |
ಮಂಗಳುತ್ಸಾಹ ದೋರುವರಾ ಪ
ಹರಿಪದ ಪರಾಗ ನುಂಡು |
ಹರುಷವೇರಿ ಭವಶರಧಿಗೆ |
ಹರಿಯ ಭಕುತಿ ಸೇತುಗಟ್ಟಿ |
ತೋರಿಸಿ ಜನರ ತಾರಿಸುವರ 1
ವೇದ ಶಾಸ್ತ್ರಸಾರವಾದ |
ಬೋಧ ಸುಧೆಯ ವೆರದು ಮರದು |
ಹಾದಿದೋರಿ ಮನಕ ಗತಿಯ |
ಸಾಧನವನು ಬೀರುವರ 2
ಹ್ಯಾವ ಹೆಮ್ಮೆ ಬಿಡಿಸಿ ಸಮ್ಮತಿ |
ಭಾವದಿಂದ ಮಹಿಪತಿ ಸ್ವಾಮಿಯಾ |
ಸಾವಧಾನದಿಂದಲಿ ಜಗತೀ |
ವಲಯದೊಳರಹಿಸುವರು 3

ಹರಿಯೇ ಸರ್ವಸಾರವೆಂದು ಸಾರುವರು |ತೆರೆದು ಹೇಳಿ ತತ್ತ್ವವನು ತಾರಿಸುವರು ಪ
ಮೊರೆ ಹೊಕ್ಕವರ ಮನದ ಮಲಕು ಬಿಡಿಸುವರು |ಹರಿದು ಹೋಗುವವಗೆ ಕರೆದು ಕಡೆಗ್ಹಾಕುವರು1
ಧರೆಯೊಳವರೇ ಸಾಧು ಪುರುಷರೆನಿಸುವರು |ಸಿರಿಗೆ ಸೆರಗೊಡ್ಡಿ ಸಿರಬಾಗಿ ನಡಿಯದವರು 2
ಬರಿಯ ತರ್ಕದಿಂದ ಖಂಡಿಸದವರು |ಸರಿಗೆ ಬಂದರೆ ಸುಮ್ಮನೆ ಸಹಿಸುವರು 3
ಕಾಯ ಕದ್ದು ಕರ್ಮಪಾಶ ಕಳೆದವರು |ರಾಯ ರಂಕರಿಗೆ ಸರಿ ತಿಳಿದವರು 4
ಮಾಯದ ಮೂಲವಾದ ಭೇದವಳಿದವರು |ಲಯದ ಮನೆಯ ಮೆಟ್ಟಿ ಭಯ ಮೀರಿದವರು 5
ಅರಿತು ಅರಿಯದವರಂತೆ ತೋರುತಿಹರು |ಮರೆತು ಮರವಿಗೆ ತಾವೆ ಮರವಾಗಿಹರು6
ಗುರು ರುಕ್ಮಭೂಷಣನಂತ ತೋರಿಸುವರು |ತ್ವರಿತದಿ ತಮ್ಮ ನೆಲೆಯ ಕೊಡದವರು 7