ಕೇಳಿದೆ ಏನೇ ಕೊಳಲ ದನಿಯ
ಬಾಳಿಗೆ ಅಮೃತವ ಬೀರುವ ಸವಿಯ ಪ
ಬೃಂದಾವನದಲಿ ನಂದಯಶೋದ
ಕಂದನು ಮುರಳಿಯನೂದುತಿರೆ
ಸುಂದರಿಯರು ಆನಂದದಿ ನರ್ತಿಸಿ
ಇಂದಿರೆಯರಸನ ಹೊಗಳುವರು 1
ಕಿರುಗೆಜ್ಜೆಯ ದನಿ ಕಿಣಿಕಿಣಿಸುತಿರೆ
ಕರದ ಕಂಕಣಬಳೆ ಗಣಗಣರೆನಲು
ಚರಣದ ಕಡಗ ಝಣ್ ಝಣಿ ಝಣಿರೆನುತಿರೆ
ಪರಮ ಸಂತೋಷದಲಿ ಹರಿಯರುಳುತಿರೆ 2
ಮರುಗ ಮಲ್ಲಿಗೆ ಪಾದರಿ ಸುಮ ಪರಿಮಳ
ಭರಿತ ತಂಬೆಲರು ಪರಿಚರಿಸುತಿರೆ
ಪರಮಾನಂದವೆ ಪುರುಷನಾಗಿರುವ ಮಾಂ
ಗಿರಿಪತಿಯೊಲವನು ಪಡೆಯುವ ಗೆಳತಿ 3