(6) ವೀರನಗೆರೆ (ಮೈಸೂರು) ಮೂರುತಿ
ಮಾರುತಿರಾಯನೆ ಸಾರಗುಣಾನ್ವಿತ
ಶ್ರೀರಘುರಾಮನ ಪ್ರಿಯ ಭಕ್ತ ಪ
ಭಂಜನ ಖಿಲಭವ
ರಂಜಿಪ ಮಾರುತಿ ಪೊರೆಯೆನ್ನ 1
ಹರಿಪದ ಕಮಲವ ನಿರುತವು ಪೂಜಿಪ
ಉರುತರ ಪದವಿಯ ಕೊಡು ನನಗೆ 2
ವೀರನಗೆರೆ ಗುರು ಮಹಾಶೂರದೊರೆ
ಸಾರುತ ಮಣಿವೆನು ಮರೆಯದಿರೈ 3
ಜಾಜೀಕೇಶವ ಸನ್ನಿಧಿ ಸೇವಕ
ಮೂಜಗದೊಡೆಯಾ ಪೊರೆಯಯ್ಯಾ 4

3. ನವಗ್ರಹ
ಸಕಲಗ್ರಹಬಲವು ನೀನೆ ಶ್ರೀನಿವಾಸ
ಸುಖದಾಯಕನೇ ಅಖಿಲೇಶ್ವರ ಪ
ಆರ್ತರ ಸಲಹುವ ಮಾರ್ತಂಡ ಬಲವು
ಕೀರ್ತಿಯನೀಯುವ ಚಂದ್ರನ ಬಲವು
ಪಾರ್ಥಿವರಗೈವ ಭೂ ಪುತ್ರ ಬಲವು 1
ವಿದ್ಯಾದಾಯಕನಾದ ಬುಧನ ಬಲ
ಅದ್ಭುತ ಭಯಹರ ಶ್ರೀಗುರುವೊಲವು
ಶುದ್ಧ ಸತ್ವದ ಶುಕ್ರನ ನಲಿವು 2
ಅನವರತವು ಶುಭದಾಯಕ ಶನಿಫಲ
ಅನಿಷ್ಟಹಾರಕ ರಾಹುಕೇತು ಬಲ
ಅನುದಿನ ಧ್ಯಾನಿಪೆ ಜಾಜೀಕೇಶವ 3

ಕೈಮುಗಿದು ಕೇಳಿಕೊಂಬೆ ಕರುಣಾಸಾಗರ ಶ್ರೀಕರ ಪ
ಶ್ರೀಮನೋಹರ ಭಾವಿಸುತ್ತ ಭಕ್ತಿಯೀವುದೈ ಶುಭಕರ ಅ.ಪ
ಕಣ್ಣ ತುಂಬ ನೋಡುವೆ
ಚನ್ನ ಪಾದಯುಗಳ ನೀನಿಡುನಾ
ನನ್ನಿಯಿಂ ನಮಿಪೆ ನಾರಾಯಣ 1
ಎನ್ನೊಳೆರಡು ಮಾತನಾಡು ಮೃದುನುಡಿ ಕೇಳುವೆ ಸಂ
ಪನ್ನ ಕೃಪಾದೃಷ್ಟಿಯ ನೀಡು ಧನ್ಯನಾಗುವೆ ದೀನಬಂಧು2
ಬಾಲಗೋಪಾಲ ಲೀಲೆ ತೋರೋ ನಲಿಯುವೆ ಶ್ರೀಲೋಲ
ಮುದ್ದಾಡುವೆ ಮುದ್ದು ಕೃಷ್ಣ3
ಎನ್ನ ಬಿನ್ನಪವ ಕೇಳು ಜನ್ಮ ಸಾರ್ಥಕವ ಮಾಡು
ಇನ್ನು ಸಾವಕಾಶವೇಕೊ ಜಾಜೀಕೇಶವ ಸುವೈಭವ 4

ಕೈಯ ಬಿಡದಿರೋ ನಾರಾಯಣ
ಜೀಯಾ ಕಾಯೆಂದು ಶರಣುಬಂದೆನ್ನ ಪ
ಲೋಕದಂತೆ ನಡೆಯಲೆನುತ
ಬೇಕಾದುದಿಲ್ಲವೆಂದು ತೊಳಲಿ
ಶೋಕಸಾಗರದೊಳಗೆ ಮುಳುಗಿ
ಶ್ರೀಕಾಂತ ನಿನ್ನ ಕಾಣಬೇಕೆಂಬೆನ್ನ 1
ಹೊಟ್ಟೆ ಬಟ್ಟೆಗಳಿಗೆ ದುಡಿಯ
ಲೆಷ್ಟೆ ಕಷ್ಟಪಟ್ಟು ಬಳಲಿ
ಸೃಷ್ಟಿಪಾಲಕ ಬಾಯಬಿಡುತ
ಇಷ್ಟದೈವವ ಸೇರಬೇಕೆಂಬೆನ್ನ 2
ಆಶೆಯೆಂಬ ಪಾಶವೆನ್ನ
ಮೋಸದಿಂದ ಬಂಧಿಸಿಹುದು
ಲೇಸಕಾಣೆನು ಜಾಜೀಕೇಶವ
ಪೋಷಿಸೆಂದು ಮರೆಯಹೊಕ್ಕೆನ್ನ 3

ಜನುಮ ಸಾರ್ಥಕವ ಮಾಡಿಸು ತಂದೇ
ನೆನೆವರ ಕಾವನು ನೀನೆಂದು ಬಂದೇ ಪ
ನಾನಿರುವುದು ಲೌಕಿಕರ ಸಮೂಹ
ಏನ ಗೈವುದೋ ಪ್ರಪಂಚದ ಮೋಹ 1
ಅಜ್ಞನು ನಾ ನನ್ನದೆಂಬುದ ಬಿಡಿಸು
ಸುಜ್ಞಾನದೀಪ ಕೊಟ್ಟು ಪ್ರಜ್ವಲಿಸು 2
ಅಜ್ಞನಾ ಯೆನ್ನಪರಾಧಾವ ಕ್ಷಮಿಸು
ವಿಜ್ಞಾಪಿಸಿಕೊಂಬೇ ನೀ ಮನಸ್ಕರಿಸು 3
ಹಗಲಿರಳು ಯನ್ನ ಹೆಗಲೊಳು ಕುಳಿತು
ಮಿಗಿಲಾಗಿಸು ದಿನ್ಯ ಸೇವೆಗಳನಿತು 4
ನಾಲಗೆ ಮಧ್ಯದಿ ನೀ ನಲಿದಾಡಿ
ಬಾಳುವೆಯೆಲ್ಲವು ಭಜಿಪುದ ಮಾಡಿ 5
ಕಣ್ಣೆಲ್ಲಿ ಸುಳಿದರೆ ಅಲ್ಲಿನೀ ಕಂಡು
ಉನ್ನತವೈಭವ ತೋರು ಮನಗೊಂಡು 6
ಜಾಜೀಕೇಶವ ಜಯ ಪದವಿತ್ತು
ರಾಜೀವಾಂಬಕ ಪೊರೆ ಭಾರಪೊತ್ತು 7

ಮನ್ಮನೋಜ್ಞಾ ಮನ್ನಿಸಿಲ್ಲಿಗೇ ಪ
ಕಷ್ಟ ಪರಂಪರೆ ಕಳೆಯುವಾ
ಇಷ್ಟಮೂರ್ತಿ ನಿನ್ನ ನೋಡದಾ 1
ಸಾಧುಗಳು ಸಾಧಿಸುತ್ತಿಹಾ
ವೇದವೇದ್ಯ ಧನ್ಯನಾಗದಾ 2
ಪ್ರೇಮ ರೂಪಾ ಜಾಜೀಕೇಶವಾ
ಸ್ವಾಮಿನಿನ್ನ ಪಾದಸೇರದಾ 3