ಬದುಕಲು ಪ್ರಾರ್ಥಿಸಿರೊ ಬಹುದಿನ
ಬದುಕಲು ಪ್ರಾರ್ಥಿಸಿರೊ ಪ
ಬದುಕಿ ಬಾಳುವಂಥ ಹದವತಿ ಸುಲಭವು
ಬುಧಜನ ತೋರುವರದನು ಸಂತೋಷದಿ ಅ.ಪ
ನಾನಾ ಯೋನಿಗಳಲ್ಲಿ ಬಂದು ಈ
ಮನುಷ್ಯ ಜನ್ಮವು ಏನು ಪುಣ್ಯವೊ 1
ಕಾಲವು ಕೆಟ್ಟಿತು ಬಾಳಲಾಗದೆಂದು
ಬಾಲಭಾಷೆಗಳ ಪೇಳದೆ ದ್ಯೆರ್ಯದಿ2
ರಾಜಶಾಸನವು ಈ ಜಗಕಲ್ಲವೆ
ಮೂರ್ಜಗದೊಡೆಯನ ಶಾಸನ ಮೀರದೆ 3
ಕ್ಷೇತ್ರ ತೀರ್ಥಗಳು ವ್ಯರ್ಥಗಳಾದರೂ
ಕ್ಷೇತ್ರಜ್ಞನ ಕೃಪಾ ಮಾತ್ರವಿದ್ದರೆ ಸಾಕು 4
ಜ್ಞಾನಿಗೆ ಹರಿ ಪ್ರಿಯ ಜ್ಞಾನಿ ಹರಿಗೆ ಪ್ರಿಯ
ಜ್ಞಾನವ ಪಡೆದು ಪ್ರಸನ್ನ ಮಾನಸರಾಗಿ5