ಸೋಮಾಸುರನೆಂಬ ಅಸುರನು
ಸಾಮಕವೇದವ ಒಯ್ಯಲು ಮಾ
ಸೋಮಾಸುರದೈತ್ಯನ ಕೊಂದು
ಸಾಮಕವೇದವ ತಂದನು ಮಾ 1
ಗುಡ್ಡವು ಮುಳುಗಿ ಪೋಗಲು ನಮ್ಮ ದೇವ
ಗುಡ್ಡ ಬೆನ್ನೊಳಗಿತ್ತನು ಮಾ
ಗುಡ್ಡದಂಥ ದೈತ್ಯರನೆಲ್ಲ
ಅಡ್ಡ ಕೆಡಹಿ ಬಿಸುಟನು ಮಾ 2
ಚಿನ್ನಗಣ್ಣಿನವನು ಬಂದು
ಕನ್ನೆ ಹೆಣ್ಣನೊಯ್ಯಲು ಮಾ
ವರ್ಣರೂಪವ ತಾಳಿದಸುರನ
ಛಿನ್ನಭಿನ್ನವ ಮಾಡಿದನು ಮಾ 3
ಕಂಬದಿಂದಲಿ ಬಂದು ನಮ್ಮ ದೇವ
ಇಂಬಾದಸುರನ ಬಗಿದನು ಮಾ
ನಂಬಿದ ಪ್ರಹ್ಲಾದನ ಕಾಯ್ದ
ಅಂಬುಜನಾಭ ನೃಸಿಂಹನು ಮಾ 4
ಮುರುಡನಾಗಿ ಬಂದು ನಮ್ಮ ದೇವ
ಬಲಿಯ ದಾನವ ಬೇಡಿದನು ಮಾ
ಇಳೆಯ ಈರಡಿಯ ಮಾಡಿ
ಬಲಿಯ ಪಾತಾಳಕ್ಕೊತ್ತಿದನು ಮಾ 5
ಕೊಡಲಿಯನು ಪಿಡಿದು ನಮ್ಮ ದೇವ
ಕಡಿದ ಕ್ಷತಿಯರಾಯ (ಯರ?) ನು ಮಾ
ಹಡೆದ ತಾಯಿಯ ಶಿರವ ತರಿದು
ಪಡೆದನಾಕೆಯ ಪ್ರಾಣ(ಣವ?) ನು ಮಾ 6
ಎಂಟು ಎರಡು ತಲೆಯ ಅಸುರನ
ಕಂಠವ ಛೇದಿಸಿ ಬಿಸುಟನು ಮಾ
ಒಂಟೀ ರೂಪವ(?) ತಾಳಿದಸುರನ
ಗಂಟ ವಿಭೀಷಭಣಗಿತ್ತನು ಮಾ 7
ಸೋಳಸಾಸಿರ ಗೋಪಿಯರೊಡನೆ
ಕೇಳಿಮೇಳದೊಳಿದ್ದನು ಮಾ
ಬಾಲಕನಾಗಿ ತನ್ನುದರದಲಿ
ಲೋಲ ಲಕ್ಷ್ಮಿಗರಸನು ಮಾ 8
ಒಪ್ಪದಿಂದಲಿ ಬಂದು ನಮ್ಮ ದೇವ
ಇಪ್ಪ್ಪೆವನದೊಳಗಿಪ್ಪನು ಮಾ
ಸರ್ಪಶಯನನಾಗಿ ಪೋಗಿ
ತ್ರಿಪುರಸಂಹಾರ ಮಾಡಿದನು ಮಾ 9
ಏನು ಮಾಯನು ಮಾಯನು ಮಾ ನಮ್ಮ ದೇವ
ಬಲ್ಲಿದ ಕಲ್ಕ್ಯಾವತಾರನು ಮಾ
ಇಳೆಯ ಸ್ವರ್ಗ ಪಾತಾಳಕ್ಕೊಡೆಯ
ಚೆಲುವ ಶ್ರೀ ಹಯವದನನು ಮಾ 10