ಸಾರಿ ಚೆಲ್ಯದೆ ನೋಡಿಹಸ್ವರೂಪ ತೋರುವ ಗುರುದೀಪ ಧ್ರುವ
ಒಳಹೊರಗಿದು ಥಳಥಳಿಸುತಲಿಹುದು
ಮೊಳೆಮಿಂಚಿನಕಳೆ ಝಳಝಳಿಸುತ ನಿಜ
ಹೊಳೆಯುತಿಹುದು ಇಳೆಯೊಳಗಿಂದು ತಾ
ಬೆಳಗಿನೊಳಿಹ ಘನ ಬೆಳಗಿನ ಪ್ರಭೆಯು 1
ಅನುದಿನ ನೋಡಿ
ತುಂಬಿ ತುಳುಕುವದು
ಮುನಿಜನ ನೋಡುವಾನಂದದ ಸುಖವಿದು
ಘನಪರಬ್ರಹ್ಮಾನಂದದ ಬೆಳಗು 2
ಕಣ್ಣಿಗೆ ಕಾಣಿಸುತಿಹುದು ನೋಡಿ
ಭಿನ್ನವಿಲ್ಲದೆ ಅಣುರೇಣುದೊಳೆಲ್ಲ
ಧನ್ಯಗೈಸಿತು ಮಹಿಪತಿ ಜೀವನವಿದು
ತನ್ನಿಂದಲಿ ತಾನೆ ತಾನೊಲಿದು 3

ಸುಗ್ಗಿ ಮಾಡುವ ಬನ್ನಿ ಸುಜ್ಞಾನದ ಧ್ರುವ
ಬೆಳೆದ ಘನಸುಖ ಬೇಕಾದ್ಹಾಂಗೆ
ತಿಳಿದವರುಂಡುಟ್ಟು ದೇಗುವ್ಹಾಂಗೆ 1
ಬಯಸುವ ಬಯಕಿಗೆ ಉಂಟಾಗ್ಯದೆ
ಶ್ರೇಯಸುಖ ರಾಶಿರಾಶಿಯು ಒಟ್ಟೈದೆ 2
ಸಾರುತ ಶ್ರುತಿ ಸವಿಪೊಗಳುತಲ್ಯದೆ
ಬೀರುತ ಜನಮಯ ಸಾರಿ ಚೆಲ್ಯದೆ 4
ದೀನ ಮಹಿಪತಿಗಾನಂದವ್ಯಾಗದೆಮನದಿರಗಿ ಉನ್ಮನವಾಗ್ಯನೆ 5