ಮನಸಿನ ಮಾಯವೆ ಗೂಢದೋರದು ನಿಜ ಗೂಢ ಧ್ರುವ
ಮರವಿನೊಳಾಡಲು ಆಯಿತು ಮನವು
ಅರಿವಿನೊಳಾಡಲು ತೋರಿತುನ್ಮನವು
ಅರಹು ಮರುಹ ಎರಡನೆ ಮೀರಿದರೆ
ಆಯಿತು ತನ್ನೊಳು ತಾನೆ ಚಿದ್ಘನವು 1
ಅರುಹಿತು ಸ್ಥೂಲಕೆ ಜಾಗ್ರತಿಯಾಗಿ
ಬ್ಯಾರೆದೋರಿತು ಸ್ವಪ್ನ ಸೂಕ್ಷ್ಮಕೆ ಹೋಗಿ
ಕಾರಣದಲಿ ಸಷುಪ್ತಿಯು ಆಗಿ
ತೋರಿತು ತಾನೆ ಮೂರು ಪರಿಯಾಗಿ 2
ದೊರಕುದು ಬ್ರಹ್ಮಾಧಿಕರಿಗೆ ಖೂನ
ಮರುಳ ಮಾಡ್ಹೆಚ್ಚಿತು ವಿಷಯದ ಧ್ಯಾನ
ತರಳ ಮಹಿಪತಿಗಾಯಿತುನ್ಮನ 3

ಶಾಂತಿಯ ಬಲಿಯಣ್ಣಾ | ಮನದಲಿ ಪ
ಕೋಪ ತಾಪದ ತಾಮಸ ಗುಣದ ಮನಿ |
ತಾಪತ್ರಯ ಮೂಲಾನಳ ಶಮನಿ 1
ವಾರಿಧಿ ಉಕ್ಕೇರುವದು
ಜ್ಞಾನ ನಿಧಾನವು ಕೈ ಸೇರುವದು 2
ಪ್ರಪಂಚ ಪರಮಾರ್ಥದ ಹಿತಕಾರಿ |
ಕೃಪೆಯಲಿ ಸರಿಸಮ ಬಗೆ ಮುರಾರಿ 3
ಸಾಧು ಸಂತರು ಸಂಧಿಪ ಘನವು |
ಸಾಧಿಸಿ ಕೊಡುವದು ತಾ ಚಿದ್ಘನವು 4
ಗುರು ಮಹಿಪತಿ ಸಾರಿದ ಬೋಧಾ |
ಭವ ಬಾಧಾ 5