ಕೊಂಡಾಡಲಳವೆ ನಿನ್ನಯ ಕೀರ್ತಿ ಭೂ-
ಮಂಡಲದೊಳು ಹಯಗ್ರೀವಮೂರ್ತಿ ಪ.
ವೇದಂಗಳ ಜಲದಿಂದ ತಂದೆ ನೀ
ಪೋದ ಗಿರಿಯ ಬೆನ್ನೊಳಾಂತು ನಿಂದೆ
ಮೇದಿನಿಯ ಕದ್ದೊಯ್ದನ ಕೊಂದೆ ಸಂ-
ವಾದದಿಂದ ಕಂಬದಿಂದಲಿ ಬಂದೆ 1
ಚರಣಾಗ್ರದಲಿ ನದಿಯನು ಪೆತ್ತೆ ತೀಕ್ಷ್ಣ
ಪರಶು ಪಿಡಿದು ಬಾಹುಜರ ಕಿತ್ತೆ
ನೆರೆನಂಬಿದಗೆ ಸ್ಥಿರಪಟ್ಟವನಿತ್ತೆ ದೊಡ್ಡ
ದುರುಳಕಾಳಿಂಗನ ಶಿರದಿ ನಿಂತೆ 2
ಪರವ್ರತೆಯರ ಮಾನಭೇದನ
ಚತುರ ತುರಗವೇರಿ ನಲಿವನ
ಕ್ಷಿತಿಯೊಳುತ್ತಮ ವಾದಿರಾಜನ ಸ್ವಾಮಿ
ಸತತ ರಕ್ಷಿಪ ಶ್ರೀ ಹಯವದನ 3