ನಂಬಿದೆ ನಿಂನನು ಅಂಬುಜಲೋಚನ
ಅಂಬುಜೋದ್ಭವ ಪಿತ ಅಂಬುಜ ರಮಣಾ ಪ
ಹಲವು ಯೋನಿಗೆ ಬಿದ್ದು ಬಲೆ ದಾಟಿ ಬಂದೇ
ಬಳಲುತ್ತ ಪರಿಪರಿ ದುಃಖಗಳಿಂದ
ಬಲ್ಲವಿಲ್ಲ ಸಹಿಸಲು ಭವರೋಗ ವೈದ್ಯನೇ
ವಲಿದೆನ್ನ ಪಾಲಿಸೋ ಸಾನುರಾಗದಲೀ 1
ಏನು ಮಾಡಲಿ ನಿಂನ ಚರಣ ಸೇರಲಿಕೇ
ಹೀನ ಪಥವ ಪಿಡಿದು ಕಡು ನೊಂದೆನಯ್ಯ
ಗಾನ ಲೋಲನೆ ಭಜಿಪ ಭಾಗ್ಯವ ಕೊಡಬೇಕು
ನೀನೇ ಗತಿಯೆಂದು ಯಾದವ ಪತಿಯೇ 2
ಕತ್ತಲೆಯಾವರಿಸಿತು ದೇಶವೆಲ್ಲವ
ಬತ್ತಲೆಯಾಗಿ ನಿಂತರು ಮೂಢಜನರು
ಮೃತ್ಯು ತುತ್ತಿಗೆಯಂನ ಕೊಡದೆ ಕತ್ತಲೆ ನೀಗಿಆತ್ಮ ಜ್ಞಾನವ ನೀಡೋ ಚನ್ನಕೇಶವನೇ3