ಬೇಗ ನೀಗಿಸು ದುರ್ಭೋಗದ ಸೆರೆಯ
ನಾಗಶಯನ ಬಾಗಿ ಬೇಡುವೆ ಪ
ನೀತಿಗೆಡಿಸಿ ಮಂಗನೆನಿಸಿ
ಮಾತುಮಾತಿಗೆ ಭಂಗಬಡಿಸಿ
ಪಾತಕನೆನಿಸಿ ದಂಗು ಹಿಡಿಸಿ
ಘಾತಮಾಳ್ಪ ಹೊನ್ನಿನಾಸೆ 1
ಕುನ್ನಿಯಂದದಿ ಕುಣಿಸಿ ಕುಣಿಸಿ
ಬನ್ನ ಬಡಿಸಿ ಬನ್ನಂಗನೆನಿಸಿ
ಉನ್ನತ ಸುಖಗೆಲಿಪ ಹೇಸಿ
ಗನ್ನಗತಕ ಹೆಣ್ಣಿನಾಸಿ 2
ಮೋಸಪಾಶದೊಳಗೆ ಮುಳುಗಿಸಿ
ದೋಷದೆಳಸಿ ಮುತಿಯಕೆಡಸಿ
ನಾಶ ಯಮನ ಕೊಲೆಗೀಡೆನಿಸಿ
ಘಾಸಿ ಮಾಳ್ಪ ಹೆಣ್ಣಿನಾಸಿ 3
ಇಷ್ಟೆ ಜಗದ ಸುಖವಿದನು
ಎಷ್ಟುನಂಬಿ ಫಲವೇನು
ಅಷ್ಟು ಮಾಯವೆನಿಸಿ ಎನ್ನನು
ನಷ್ಟಗೊಳಿಪ ಕೆಟ್ಟಾಸಿಯನು 4
ಮೀರಿ ಮಹ ಘೋರಬಡಿಸಿ
ಸಾರಸುಖದ ಮಾರ್ಗ ಕೆಡಸಿ
ಧೀರ ಶ್ರೀರಾಮ ನಿನ್ನ ಮರೆಸಿ
ಗಾರುಮಾಳ್ಪ ಪಾಪರಾಸಿ 5