ಬಾಗೋ ಬಾಗೋ ಜೀವನೇ ಸಾಗರನಿಲಯಗೆ ಪ
ಬಾಗೋ ಮನಸಿನ ನೀಗಿ ಕಲ್ಮಷ
ಬೇಗ ತಿಳಿದು ನೀಜೋಗಿವಂದ್ಯಗೆ ಅ.ಪ
ಕನಸಿದು ಜಗಮೋಹ ಕಾಣು ಕಾಣೋ
ನಿನಗೆ ವೈಕುಂಠ ಒಂದೇ ಗೇಣೋ
ಚಿನುಮಾಯಾತ್ಮನ ತ್ವರ ಕಾಣು ಕಾಣೋ
ತನುಮನವರ್ಪಿಸಿ ನೆನವು ನಿಲ್ಲಿಸಿ ನಿಜ
ಘನಮಹಾತ್ಮನ ಹಿಡಿ ಖೂನ ಖೂನೋ 1
ಕಾಯ ಕಾಯ
ಗುರುತಿಟ್ಟರಿಯಿದರ ನೆಲೆಯ ನೆಲೆಯ
ಮರುಳನೆ ನರಕದ ಕುಣಿಯು ಕುಣಿಯೋ
ನೆರೆದು ತೋರಿ ಸಂತೆ ಹರಿದು ಹೋಗುವಂತೆ
ಧರೆ ನಿನಗೊಂದಿನ ಮಾಯ ಮಾಯ 2
ಬಂದದ್ದು ವಿಚಾರ ಮಾಡೋ ಮಾಡೋ
ಇಂದಿನ ಸಮಯ ಕಳಿಬೇಡೋ ಬೇಡೋ
ಬಂಧುರಸುಖಕೆ ಮನ ನೀಡೋ ನೀಡೋ
ಇಂದು ನಾಳೆನ್ನದೆ ತಂದೆ ಶ್ರೀರಾಮನ
ಬಂಧುರಚರಣವ ಪಾಡೋ ಪಾಡೋ 3