ಪಾದವ ನುತಿಸುವೆ| ದೇವಿ ಜಯ ಜಯ ಪ
ದಾತೆ ಜಯ ಜಯ ಅ.ಪ
ರವಿಶಶಿಶೋಭಿತೆ| ಪಾವನಚರಿತೆ ||
ಕುವಲಯದಳ ಸು| ಶ್ಯಾಮಲೆ ಕೋಮಲೆ 1
ಗಾನವಿಲೋಲೆ| ಘನಗುಣಶೀಲೆ||
ದೀನಜನಾವಳಿ| ಪಾಲಯೆ ಸದಯೆ2
ಭಕ್ತವಶಂಕರೆ| ಭಜಕಸುಖಂಕರೆ||
ಮುಕ್ತಿದಾತೆ ಶಿವ| ಶಕ್ತಿಸ್ವರೂಪೆ 3

ಮನ ಒಲಿದೆನ್ನನು | ಪಾಲಿಸು ಜನನಿ ಪ.
ಘನ ವಿದ್ಯಾದಾಯಿನಿ | ಜಲಜಾಂಬಕಿ ನೀ ಅ.ಪ
ವಿದ್ಯಾವಿದಾತೆ ಬುದ್ಧಿಪ್ರದಾತೆ ||
ಶ್ರದ್ಧೆಯ ಬೇಡುವೆ | ಸದ್ಗುಣಭರಿತೆ 1
ಗಾನವಿಲೋಲೆ | ವಿನಮಿತಪಾಲೆ ||
ಜ್ಞಾನಪ್ರದಾಯಿನಿ | ಘನಗುಣಶೀಲೆ 2
ಆಡುವ ನುಡಿ ಕೈ | ಗೂಡುವ ತೆರದಲಿ ||
ಮಾಡೌ ಬೇಡುವೆ | ನಡಿಗಳಿಗೆರಗಿ 3
ಮನ್ಮನದಿಷ್ಟವ | ನಿತ್ತೆನ್ನ ಪೊರೆ ನೀ ||
ಬೊಮ್ಮನ ರಾಣಿ | ನಿತ್ಯಕಲ್ಯಾಣಿ4