ಪಾದ ನಿಜವಾಗಿ ಕಂಡೆನು
ಪ್ರೇಮದಿಂದಲಿಯೆನ್ನ ಸೇರಿ ಕೊಂಡಾಡೋ ಪ
ನಿತ್ಯ ನಲಿಯುತ್ತಲಿರುವದು
ಕಾಲಕಾಲಕೆ ಮತ್ತೆ ಸೇವೆಗೊಳುವದು
ಬಾಲರು ಪಿಡಿದರೆ ಇಷ್ಟವ ಕೊಡುವದು
ಓಲೈಸಿ ಭಕ್ತಗೆ ವರವನೀಯುವÀದು 1
ಪಾದ ಮಧ್ಯದಿ ಪದ್ಮ ರೇಖೆಯ ಕಂಡೆನು
ಸಾಧು ಸಜ್ಜನರು ಪೂಜೆಯ ಮಾಡುವುದನು
ಖೇದವ ನೀಗುವ ಬೆರಳನು ಕಂಡೆನು
ಆದ್ಯಂತವಿಲ್ಲದೆ ನಿರುತವಾದುದನು2
ಮನದಣಿ ನೋಡಿದೆ ಪಾದಯುಗ್ಮಗಳನ್ನು
ಮನಲೇಪ ಮಾಡಿದೆ ಹರಿಪಾದಗಳಿಗೇ
ಅನುದಿನ ದೂರ್ವಾಪುರದಿ ನೆಲೆಸಿರುವಂಥ
ಘನಕೋಟಿ ತೇಜದ ಕೇಶವ ಪದವ 3

ಹೊರಿಯೋ ನರಹರಿಯೆ ಧ್ರುವ
ಕರುಣಾಗುರು ಜ್ಞಾನಸ್ಫುರಣ
ಪರಮಪುಣ್ಯಚರಣ ಶರಣರಾಭರಣ 1
ದೂರ ಧರ್ಮದ ಸಹಾಕರ
ಕರ್ಮ ಪರಿಹಾರ ನಿರ್ಮಳಾಕಾರ 2
ಧೀರ ಪರಮ ಉದಾರ
ಕರುಣಾಸಾಗರ ಗುರು ಮುರಹರ 3
ಅರುಣ ಘನಕೋಟಿ ಕಿರಣ
ದೀನ ಉದ್ಧರಣ ಆನಂದಪೂರ್ಣ 4
ದೇವ ದೇವ ಸಂಜೀವ
ಭಾವಿಕರ ಕಾವ ಶ್ರೀವಾಸುದೇವ 5
ಮಾತಾ ಮಹಿಪತಿಯ ಪಿತ
ದಾತ ನೀನೆ ಶ್ರೀನಾಥ 6