ನಮೋ ನಮೋ ಕಮಲಾಲಯೆ ಸರ್ವೋ
ತ್ತುಮ ನಾರಾಯಣನಂಕದ್ವಯ
ಸಮುಪಸ್ಥಿತೆ ಸುಂದರ ಮದಗಜ
ಗಮನೆ ಗುಣಪೂರ್ಣೆ ಶೋಭಾನೆ ಪ
ಕಂಗಳ ಕುಡಿನೋಟದಿ ಕಂಜಜ
ಗಂಗಾಧರ ಸುರಮುಖ ಸುಜನರ
ಇಂಗಿತ ಫಲ ಪೂರೈಸಿಕೊಡುವ ಮಂಗಳ ಸುಚರಿತ್ರೆ
ಭೃಂಗಾಳಿಗಳಂದದಿ ಸೊಗಯಿಪ
ಮುಂಗುರುಳಿಂದೊಪ್ಪುವ ನಿಜಪತಿ
ಸಂಗಡ ಬಾ ಹಸಿಯ ಜಗಲೀಗೆ 1
ಜಲಜಾಕ್ಷನ ವಿಮಲಾಂಗದಿ
ಪ್ರತಿ ಫಲಿಸಿದ ರೂಪಗಳನೆ ನೋಡುತ
ಪುಳಕೋತ್ಸವದಿಂದಲಿ ಪಾಡುತ
ಹೊಲಬು ಗಾಣದಲೆ ತಲೆದೂಗುತ ಮಿಗೆ ಸಂತೋಷದಿ
ಗಳರವದಿಂ ಪಾಡುತ ಶ್ರೀ ಭೂಲಲನೆ
ಬಾ ಹಸಿಯ ಜಗಲೀಗೆ 2
ಪ್ರತಿಫಲಿಸಿಹ ರೂಪಗಳೆನ್ನವು
ಕತಿಪಯರೂಪಗಳೆನಗಿಂದಲಿ
ಅತಿಶಯವೆ ತೋರುತಲಿಪ್ಪವು
ಪ್ರತಿ ಪ್ರತಿಕ್ಷಣದಿ ಶ್ರುತಿ ಪ್ರತೀಕನು ದಯದಿಂದೆನ
ಗ್ಹಿತದಿಂದಲಿ ತೋರಿದನೆನುತಲಿ
ನತಿಸುತ ನಗುತಿಪ್ಪ ಲಕ್ಷ್ಮೀ ಹಸಿಗೇಳು 3
ಆ ಬ್ರಹ್ಮಾಂಡಗಳೊಳ ಹೊರ
ಗುಪಮರು ನಿನಗಿಲ್ಲವಾಗಲು
ಅಪರಾಜಿತನಮಲ ಸುರೂಪ
ಗಳಪರೋಕ್ಷಣದಿ ಕಾಂಬ
ಚಪಲಾಂಬಕ ಕೃಪಣರ ಸಲಹಲು ಸ್ವಪತಿಯ
ಶಿಪಿವರನಂಸಗೆ ಸುಫಲದೆ ಬಾಹಸಿಯ ಜಗುಲೀಗೆ 4
ವೀತಭಯನ ವಕ್ಷಸ್ಥಳವೆ ಪು
ರಾತನ ಮನೆಯೆನಿಪುದು ಅವಿನಾ
ಭುತರು ನೀವಿರ್ವರು ಅಮೃತಾ
ಜಾತರು ಎಂದೆಂದೂ
ಭೌತಿಕ ಮಂದಿರದೊಳು ನೆಲೆಸಿ ಪು
ನೀತರ ಮಾಳ್ಪುದೆಮ್ಮ ಜಗ
ನ್ನಾಥ ವಿಠಲನರ್ಧಾಂಗಿ ಜಗ
ನ್ಮಾತೆ ವಿಖ್ಯಾತೆ ಬಾಹಸಿಯ ಜಗುಲೀಗೆ 5