ಕೃಪಣ ಶ್ರೀಪಾದಾರ್ಚನೆಯನಿತ್ತು ಪ
ಅಪಾರ ಜನುಮದ ಪಾಪೌಘ ಬೆನ್ನಟ್ಟಿ
ತಾಪಗೊಳಿಸುತ್ತಿದೆ ಈ ಪರಿಭವದೊಳು ಅ.ಪ.
ಪತಿತ ನಾನಾದರೂ ಪತಿತ ಪಾವನ ನೀನು
ಪಶುಪತಿ ಪಾಪಹರ
ಗತಿಹೀನರಿಗೆ ನೀನೆ ಗತಿದರ್ಶಕನೆಂದು
ತುತಿಸುತ್ತಿಹುದು ವೇದತತಿ ಸಮ್ಮತವಾಗಿ 1
ಭವಭವದಲಿ ಬಂದು ಬವಣೆಗಳಲಿ ಬೆಂದು
ಬಳಲಿದೆ ಭಕ್ತ ಬಂಧು
ಭವಹರ ನೀನೆಂಬುದನು ಭವಿಗಳಿಂ ನಿತ್ಯ
ಶ್ರವಣದಿ ಕೇಳಿ ನಿನ್ನವರವನೆನಿಸಿದೆ 2
ಗೌರಿ ಮನೋಹರ ಗೌರಾಂಗ ಭಕ್ತರು
ದ್ಧಾರಿಯೆ ಶೂಲಧರ
ಸಾರಿದೆ ನಿನ್ನಂಘ್ರಿವಾರಿಜಯುಗಳವ
ಕಾರುಣ್ಯದಲಿ ನೋಡು ಅಭಯವ ನೀಡು 3
ಮುಪ್ಪುರಹರ ಮುಕ್ಕಣ್ಣ ಗಂಗಾಧರ
ಮೃತ್ಯು ಮೃತ್ಯುವೆ ಶಂಕರಾ
ಸರ್ಪಭೂಷಣ ಅಪಮೃತ್ಯು ನಿವಾರಣ
ಕಪ್ಪುಗೊರಳ ಕೃತ್ತಿವಾಸ ಸುರೇಶ 4
ಅಜ ಸಂತನಧ್ವರ ಭಜನೆಯ ಕೆಡಿಸಿದ
ವಿಜಯ ವಿಗ್ರಹ ಶರೀರ
ಸುಜನರ ಹೃದಯಾಂಬುಜದಲ್ಲಿ ಮಿನುಗುವ
ರಜದೂರ ಶ್ರೀಕಾಂತ ನಿಜಭಕ್ತ ಗುರುವರ 5

ಗೋಕರ್ಣೇಶಂ ಗೌರೀಶಂ ವಂದೇ ನತಜನಭಯನಾಶಂ ಪ.
ಪಾಕಹ ಮದನದಿವಾಕರಪ್ರಮುಖ ದಿ-
ವೌಕಸಕೃತ ಜಯಜಯಘೋಷಂ ಅ.ಪ.
ಕರ್ಪೂರಕ್ಷೀರಗೌರಾಂಗಂ
ಕಲ್ಯಾಣನಿಧಿಂ ನಿಸ್ಸಂಗಂ
ದರ್ಪಕದರ್ಪಹರಂ ತಮುದಾರಂ
ಸರ್ಪಫಣಾಮಣಿಹಾರಂ ಘೋರಂ 1
ಲಕ್ಷ್ಮೀನಾರಾಯಣಸಖಂ ಸುರಾ-
ಧ್ಯಕ್ಷಂ ಶಿವಂ ವಿಗತಶೋಕಂ
ದಕ್ಷಾಧ್ವರವಿಧ್ವಂಸನಚತುರಂ
ಮೋಕ್ಷಜ್ಞಾನದಂ ಸಮ್ಮೋಹಭಿದಂ2

ಗೋಕರ್ಣೇಶಂ ಗೌರೀಶಂ ವಂದೇ ನತಜನಭಯನಾಶಂಪ.
ಪಾಕಹ ಮದನದಿವಾಕರಪ್ರಮುಖ ದಿ-
ವೌಕಸಕೃತ ಜಯಜಯಘೋಷಂಅ.ಪ.
ಕರ್ಪೂರಕ್ಷೀರಗೌರಾಂಗಂ
ಕಲ್ಯಾಣನಿಧಿಂ ನಿಸ್ಸಂಗಂ
ದರ್ಪಕದರ್ಪಹರಂ ತಮುದಾರಂ
ಸರ್ಪಫಣಾಮಣಿಹಾರಂ ಘೋರಂ1
ಲಕ್ಷ್ಮೀನಾರಾಯಣಸಖಂ ಸುರಾ-
ಧ್ಯಕ್ಷಂ ಶಿವಂ ವಿಗತಶೋಕಂ
ದಕ್ಷಾಧ್ವರವಿಧ್ವಂಸನಚತುರಂ
ಮೋಕ್ಷಜ್ಞಾನದಂ ಸಮ್ಮೋಹಭಿದಂ2

ಶರಣು ಹೈಮವತೀಶ ಶಿವಶಂಭು ಅವಿನಾಶ |
ಶರಣು ಧನಪತಿ ಮಿತ್ರ ಪಾವನತರಚರಿತ್ರ |
ಶರಣು ದಾನವವಿಪಕ್ಷಾ ||
ಶರಣು ಕರ್ಪೂರ ಗೌರಾಂಗ ಗುಣಮಂದಾರ |
ಶರಣು ಶೃತಿಪೃತಿಪಾದ್ಯಯೋಗಿಮನಕಾಭೇದ್ಯ |
ಶರಣು ಆನಂದ ಕಂದಾ ||

ಸಂಪ್ರದಾಯದ ಹಾಡುಗಳು
(ಗುರುವಾರದ ಶುಭದಿನದಂದು)
ಅಂಗಿರಾವುತನನ್ನು ನೋಡಿರೊ ನಿತ್ಯ
ಮಂಗಳ ಮಹಿಮೆಯ ಪಾಡಿರೊ ಪ.
ಗುರುವಾಸರ ಬಂದು ಒದಗಲು ನಾನಾ
ಪರಿಯ ಪುಷ್ಪಗಳ ತಂದಿರಿಸಲು
ದೊರೆಯು ಗೌರಾಂಗಿಯ ಧರಿಸಲು ನೋಡೆ
ದುರಿತ ರಾಶಿಗಳ ಪರಿಹರಿಸಲು 1
ಶಂಖ ಚಕ್ರ ಗದಾಬ್ಜ ಗದೆಗಳನು ನಿಃ-
ಶಂಕೆಯಿಂದ ಧರಿಸಿರುವನು
ಮಂಕು ಮನುಜರಿಗೆ ದೊರಕುವಾ-
ತಂಕಗಳೆಲ್ಲ ಪರಿಹರಿಪನಾ 2
ಇಂದಿರೆಯನು ಮೋಹಗೊಳಿಸುವ ಪೂರ್ಣಾ
ನಂದ ವೆಂಕಟರಾಜನಿರುತಿಹ
ಚಂದವ ನೆನೆವುತ್ತ ಸ್ತುತಿಸುವ ಭವ
ಬಂಧಗಳೆಲ್ಲ ಕತ್ತರಿಸುವ 3

ಹೊಂದಿ ಬದುಕಿರೈಯ್ಯಾ ದೇವನಾ | ತರು |
ಣೇಂದು ಶೇಖರ ಉಮಾ ಧವನಾ ||
ವಂದಿಸಿದವರಘವೃಂದ ನಿವಾರಿಸಿ |
ಕೈವಲ್ಯ ತಂದು ಕೊಡುವನಾ ಪ
ಸ್ಮರಿಸಿದವರ ಬದಿಯಲಿರುವಾ | ತನ್ನ |
ಶರಣರಿಷ್ಟಾರ್ಥವಗರವಾ ||
ಕರುಣದಿ ಪತಿತರುದ್ಧರಿಸಲು | ತಾರಕ |
ಗುರುರೂಪ ತಾನಾಗಿ ಧರೆಲಿ ಮೆರೆವನಾ 1
ಗಗನಧುನಿ ಧರಿಸಿದನಾ | ಬೆಟ್ಟ |
ಮಗಳಿಗೆ ಅರ್ಧಾಂಗಿ ನೀಡಿಹನಾ ||
ನಿಗಮಾಗ ಮಂಗಳಯುಗತಿಗೆ | ನಿಲುಕದು |
ನಿಲುಕದುರಗ ಭೂಷಣ ಭಸ್ಮಾಂಗ ವಿಗಢ ನಾಟಕನಾ 2
ಘನಸಾರ ಗೌರಾಂಗ ಹರನಾ | ತಪ್ತ |
ಕನಕ ವರ್ಣ ಜಟಾಧರನಾ ||
ಮುನಿಜನ ಶುಭತದವನ ಚೌರ್ಚಿತ | ಪದ ||
ಅನುದಿನ ಮಹಿಪತಿ ಜನ ಸಲಹುವನಾ3