ಭಯವಿಲ್ಲೋ ಭಯವಿಲ್ಲೋ
ಭಯಹರ ನರಸಿಂಗನಡಿಯ ದಾಸರಿಗೆ ಪ
ವೃಶ್ಚಿಕ ಮುಟ್ಟಲು ಬಾಧೆಯೆ ಇಲ್ಲ ತಕ್ಷ
ಕಚ್ಚಲು ವಿಷವಂಟೋಣಿಲ್ಲ
ಅಚ್ಯುತಾನಂತನ ಹೆಚ್ಚಿನಡಿದಾವರೆ
ಮುಚ್ಚಿಭಜಿಪ ಮಹ ನಿಶ್ಚಲಚಿತ್ತರಿಗೆ 1
ಕಳ್ಳರು ಮುತ್ತಲು ಸುಲಕೊಂಬೋಣಿಲ್ಲ
ದಳ್ಳುರಿ ಹತ್ತಲು ಸುಡುವ ಶಕ್ತಿಲ್ಲ
ಪಾದ ಉಲ್ಲಾಸ ಮನದಿಂದ
ನಿಲ್ಲದೆ ಭಜಿಪರ್ಗೆ ಎಳ್ಳಷ್ಟಾದರು 2
ಹುಲಿ ಕರಡಿ ಬದು ನುಂಗುವ ತ್ರಾಣಿಲ್ಲ
ಬಲು ಭೂತ ಬೇತಾಳ ಎದುರೆ ಇಲ್ಲ
ಮಲಿನಹರಣ ಕೃಪಾನಿಲಯ ಭಕ್ತಜನ
ಸುಲಭನೆಂದೊದರುತ ನಲಿವ ನಿರ್ಮಲರಿಗೆ 3
ಭೂಪತಿಗಳ ಭಯ ರೋಮಕೆ ಇಲ್ಲ
ಪಾಪತಾಪಗಳ ಲೇಪವೆ ಇಲ್ಲ
ಆ ಪರಬ್ರಹ್ಮ ಜಗದ್ವ್ಯಾಪಕನನುದಿನ
ಗೌಪ್ಯದಾರಾಧಿಸುವ ಪಾಪಲೋಪರಿಗೆ 4
ಏಸು ಕಷ್ಟಬಂದರಾಯಾಸವಿಲ್ಲ
ನಾಶ ಮೃತ್ಯು ಗಾಳಿಸೊಂಕೋಣಿಲ್ಲ
ಹೇಸಿ ದುರ್ಭವದ ವಾಸನಳಿದ ಮಹ
ಶ್ರೀಶ ಶ್ರೀರಾಮನ ದಾಸದಾಸರಿಗೆ 5