ಮಂಗಳವೆನ್ನಿರೆ ಮದನಗೋಪಾಲನಿಗೆ
ಮಂಗಳವೆನ್ನಿರೆ ಮಾಧವಗೆ ಪ
ಮಂಗಳವೆನ್ನಿರೆ ಮಾಮನೋಹರನಿಗೆ
ಮಂಗಳವೆನ್ನಿರೆ ಮುರಹರಗೆ ಅ.ಪ
ಭುವನಮೋಹನ ಶಾಮಲಸುಂದರಾಂಗಗೆ
ಅಮಿತಪರಾಕ್ರಮ ಅಚ್ಚುತಗೆ
ನವನವಲೀಲೆಯ ತೋರಿದ ದೇವಗೆ
ಸುವಿನಯದಿಂದ ಶ್ರೀ ಶ್ರೀಧರಗೆ1
ಶಂಖು ಚಕ್ರಪೀತಾಂಬರಧಾರಿಗೆ
ಬಿಂಕದಿಂದ ಮುರಳಿಯನೂದಿದಗೆ
ಶಂಕರಾದಿ ಸುರಸೇವಿತಗೆ ನಿಷ್ಕ-
ಳಂಕದಿ ಭಜಿಪರ ಪೊರೆದವಗೆ2
ಪರಿಪರಿ ವಿಧದಲಿ ಹರಿ ಸ್ಮರಣೆಯ ಮಾಡೆ
ಪರಾಭವನಾಮ ಸಂವತ್ಸರದಿ
ದುರಿತಗಳೆಲ್ಲವ ಪರಿಹರಿಸುತ ಕಾಯ್ವ
ಸಿರಿವರ ಕಮಲನಾಭ ವಿಠ್ಠಲನಿಗೆ3

ಸುಂದರ ಮೂರುತಿ ಹರಿಯೆ ಬಾ-
ರೆಂದು ಕಶ್ಯಪ ಋಷಿ ಅದಿತಿಯರು
ಮಂದಹಾಸದಿ ನಮ್ಮ ಮಂದಿರಕೀಗ ಗೋ-
ವಿಂದ ಬಾ ಶ್ರೀಮುಕುಂದ ಬಾ ಯಾದವ
ವೃಂದ ಬಾ ಬಲುಮುದದಿಂದ ಬಾ ಬಾ-
ರೆಂದು ಕರದಾರು ಶೋಭಾನೆ 1
ಅಚ್ಚುತಾನಂತ ಶ್ರೀಹರಿ ನೀನು
ಸಚ್ಚಿದಾನಂತಾತ್ಮನೆ ನೀನು
ಮಿತ್ರೆ ಲಕುಮಿ ಒಡಗೂಡುತ ಬಾರೆಂದು
ಅತ್ರಿಯರು ಸ್ತುತಿಪರು ಮಿತ್ರೆಯರು ಪಾಡ್ವರು
ಕೀರ್ತಿಪರು ಅನಸೂಯಾತ್ರಿಯರು
ಬಾರೆಂದು ಕರೆದಾರು ಶೋಭಾನೆ 2
ಭಾಗವತರ ಪ್ರಿಯ ಬಾರೆಂದು
ಭಾರದ್ವಾಜರು ಭಕ್ತಿಯಲಿ
ಸತಿ ಸುಶೀಲೆ-
ಯರು ಸುಂದರ ನಾರಿಯರು
ಕರೆವರು ಕಂಸಾರಿ
ಬಾರೆಂದು ಕರದಾರು ಶೋಭಾನೆ 3
ಹಸ್ತಿವರದ ಹರಿ ಬಾರೆಂದು
ವಿಶ್ವಾಮಿತ್ರರು ಹರುಷದಲಿ
ಸತಿ ಸಹಿತದಿ ಕರೆವರು
ಭಕ್ತಿಯಲಿ ಪರಮಾಸಕ್ತಿಯಲಿ
ಹರಿಯನು ಸ್ತೋತ್ರದಲಿ
ಭೂ ರಮಾ ಪಾರ್ಥಸಾರಥಿಯ ಕರದಾರು ಶೋಭಾನೆ 4
ಕೌಶಿಕ ಯಜ್ಞಪಾಲನೆ ಬಾ
ಕಂಸನ ಸಭೆಯಲಿ ಸೆಳೆದನೆ ಬಾ
ಹಂಸವಾಹನಪಿತ ಬಾರೆಂದು ಕರೆವರು
ಗೌತಮರು ಪತ್ನಿ ಅಹಲ್ಯೆಯರು
ಪಾಡುತ ಪ್ರಾರ್ಥಿಪರು ಮುರಹರಿ ಗೋಪಾಲ
ಬಾರೆಂದು ಕರದಾರು ಶೋಭಾನೆ 5
ಜಗದುದರನೆ ಶ್ರೀ ಹರಿಯೆ ಬಾ
ನಿಗಮತಂದು ಸುತಗಿತ್ತನೆ ಬಾ
ಝಗಿಝಗಿಸುವ ಆಭರಣಗಳ್ಹೊಳೆಯುತ
ಬಾರೆಂದು ಜಯ ಜಯವೆನ್ನುವರು
ಋಷಿ ಜಗದಗ್ನಿಯರು ರೇಣುಕ ಸಹಿತ
ಶ್ರೀಶನ ಕರದಾರು ಶೋಭಾನೆ 6
ಮದನ ಗೋಪಾಲನಿಗೆ
ಮಂಗಳ ಯದುಕುಲ ತಿಲಕನಿಗೆ
ಮಂಗಳ ಕಮಲಾನಾಭ ವಿಠ್ಠಲನಿಗೆ
ಸತಿ ಅ-
ರುಂಧತಿಯರು ಜಯ ಜಯ
ಮಂಗಳವೆಂದು ಕರದಾರು ಶೋಭಾನೆ7
ಶೋಭನವೆನ್ನಿರೆ ಶ್ರೀಹರಿಗೆ
ಶೋಭನವೆನ್ನಿರೆ ಮಾಧವಗೆ
ಶೋಭನವೆನ್ನಿರಿ ಸೊಬಗುಳ್ಳ ದೇವಗೆ ಶೋಭಾನೆ
ಸಿರಿಯರಸಗೆ ದಿವ್ಯ ಶೋಭಾನೆ
ಪರಮಪುರುಷನಿಗೆ ಶೋಭಾನೆ
ಶೋಭನ ಗರುಡಗಮನಗÉಶೋಭನವೆನ್ನಿರೆ ಶೋಭಾನೆ 8

ಸೃಷ್ಟಿಗೊಡೆಯನಿಗೆ ಜಯ ಮಂಗಳಂ ಕಾಲುಂ-
ಶುಭ ಮಂಗಳಂ
ಶುಭ ಕ-
ಮಲಾಲಯ ರಮಣನಿಗೆ ಜಯ ಮಂಗಳಂ
ಬಾಲಕ ರೂಪದಿಂದಾಲದೆಲೆಯ ಮೇಲೆ
ಲೀಲೆ ತೋರುವ ಗೋಪಾಲನಿಗೆ 1
ನೀಲಳಕಗಳ ಸಿರಿಮುಡಿಗಟ್ಟಿ ಮ-
ರಾಳ ಸಿಂಘಗಳಿಂದದಲಂಕರಿಸಿ
ಕಾಲದಿಂದಿಗೆ ಗೆಜ್ಜೆ ಘಲ ಘಲಿಸುತ ತನ್ನ
ಕಾಲಕರದೊಳೆತ್ತಿ ಕುಣಿಸುವಗೆ2
ವಾರಿಜ ಭವಪಿತ ಮಾರಕೋಟಿ ಶೃಂ-
ಗಾರ ಮೂರುತಿ ಮುಖವಾರಿಜವ
ತೋರುವ ಸುಧಾರಸ ವಾರುಧಿ ಗೋಪಕು-
ಮಾರ ಶೇಷಾಚಲಧಾರನಿಗೆ 3