ಸಾರಿ ಹೇಳಿದೆ ಮೂರು ಬಾರಿ ಮನ
ಬಾರದಿದ್ದವರು ದೂರಿದರೆನ್ನ ದೂರಿಪ
ನರದೇಹವಿದು ನಂಬಬೇಡಿ ಭವ
ಶರಧಿಯ ದಾಟಲುಪಾಯವ ಮಾಡಿ
ಎರವಿನ ತನುವನು ನೋಡಿ ಶ್ರೀ
ಗುರುವಿನ ಚರಣಕ್ಕೆ ಶೆರಗೊಡ್ಡಿ ಬೇಡಿ 1
ಗುರುವಿನಿಂದಧಿಕ ದೈವವಿಲ್ಲಾ ಇದ
ನರಿಯದೆ ಕೆಡುವರು ಪ್ರಾಣಿಗಳೆಲ್ಲಾ
ಅರಿತ ಸುಜ್ಞಾನಿಯೆ ಬಲ್ಲಾ ಉಪ
ಕರಿಸಿ ಪೇಳುವೆನು ಕೇಳಿರೋ ಎನ್ನ ಸೊಲ್ಲಾ 2
ಸರಸಿಜೋದ್ಭವನ ಕೈಮಾಟಾ ಚೆಲ್ವ
ಗಿರಿಜಾರಮಣನ ಸೂತ್ರದ ಗೊಂಬೆಯಾಟಾ
ಬರಿದೆ ವಿಷ್ಣು ಮಾಯಾಕಾಟಾ ಶ್ರೀ
ಗುರುವಿಮಲಾನಂದ ಹೇಳಿದ ಪಾಠಾ 3

ಸ್ವಸುಖ ನೋಡಿ ಸದ್ಗುರು ಕೃಪೆಯಿಂದ
ವಿಶ್ವತೋಮುಖ ತೋರುವ ತಾಂ ಗೋವಿಂದ ಧ್ರುವ
ಏನೆಂದ್ಹೇಳಲಯ್ಯ ಅನುಭವದ ಮಾತು
ಖೂನಾಗ್ಯಾದೊಂದೇ ಶಾಶ್ವತ
ಆನಂದೋಭರಿತ ಸ್ವಾನಂದ ಸುಖ
ತಾನೆ ಆಗ್ಯದೆ ಸನ್ಮತ ಘನಬೆರೆದು ನೋಡುವದೀ ಸುಪಥ 1
ಮಲಕಿನ ಮನುಜರು ಮನವಿಡಬಲ್ಲರೇ
ನಾಲ್ಕು ವೇದ ಸಾರುದಕ
ಒಮ್ಮೆಯಾದರ ನಿಲುಕಿಸಿ ನಿಜ ನೋಡಿದರಸಾಧ್ಯ
ಬೆಳಕೆ ಆಗ್ಯದ ನೋಡಿ ತಿಳಿಕೊಂಡರೆ 2
ಗುರುವಿನಿಂದಧಿಕಿಲ್ಲ ಅರಿತುಕೊಳ್ಳಿರೊ ಖೂನ
ಪರಮಗತಿಯ ಸಾಧನ
ಸುತತ್ವ ಜ್ಞಾನ ಬೆರೆದು ಮಹಿಪತಿ ಪೂರ್ಣ
ಸದ್ಗುರು ಚರಣಕೆರಗಿ ಮನ ಪಡೆವದೀ ದಯಕರುಣಾ 3