ಧನ್ಯ ಸತ್ಸಂಗ ಎನ್ನೊಳು ಹೊಳೆಯಿತು ಘನಲಿಂಗ ಧ್ರುವ
ನೋಡಿದವನ ನೋಟ ಮಾಡಿತೆನ್ನೊಳು ಜೀವ ಶಿವಕೂಟ
ನೀಡಿದಾಭಯದೂಟ ಗೂಢಗುರುತವಾಯಿತು ನೀಟ 1
ಹೇಳಿದವನ ಮಾತು ಹೊಳೆಯುವ ಸುಪ್ಪಾಣಿಯ ಮುತ್ತು
ತಿಳಿಯಿತೆನ್ನೊಳು ವಸ್ತು ಅಳಿಯಿತು ಜನ್ಮ ಮೃತ್ಯು 2
ಸತ್ಸಂಗವ ಕೂಡಿ ಪತಿತಪಾವನವಾದನು ನೋಡಿ
ಕ್ಷಿತಿಯೊಳು ನಿಜಗೂಡಿ ಗತಿಪಡೆದನು ಮಹಿಪತಿ ನೋಡಿ 3

ಸಾಧಿಸಿ ನೋಡಿ ಸುವೃತ್ತಿ ಭೇದಿಸಿಕೂಡಿ ಸುಮುಕ್ತಿ ಧ್ರುವ
ಹಿಡಿದು ಸಾರುವ ಶ್ರುತಿ ನಿಜಗೂಡಿ
ಗೂಡಿನೊಳಗೆ ಬೆರೆದಾಡಿ
ಇಡಾಪಿಂಗಳ ನಾಡಿ ನಡುವಾವಿನ
ಜಾಡೆ ಹಿಡಿದು ಘನಗೂಡಿ 1
ಏರಿನೋಡಲು ಆರು ಚಕ್ರತಾಂ
ದೋರುತದೆ ಸುಪಥ
ತಿರುಗಿನೋಡಲು ತನ್ನೊಳು ತಾ
ಅಮೃತ 2
ಹಿಡಿದು ಗುರುಪಾದಾರವಿಂದ
ಪಡೆದ ಮಹಿಪತಿ ಅನಂದ
ಗೂಢ ಗುರುತವಾಯಿತು ಬಲು ಚಂದ
ಕಡಿದ್ಹೋಯಿತು ಭವಬಂಧ 3