ಕಮಲನಯನನ ಕರತಾರೆ
ಕರುಣ ಸಾಗರನ ಕರಿರಾಜ ವರದನ ಪ
-------ಪನ ಕಂಬುಕಂಧರನ
ಲೋಕನಾಯಕ ಶ್ರೀಯದು ವೀರನಾ
ರಾಕೇಂದು ಮುಖಿ ವರ ಲಕ್ಷ್ಮೀನಾಯಕನ
ನೀರಜ ನಾಭನಾ 1
ಸುಜನ ವಿಲಾಸನಾ
ಕಂದ ಪ್ರಹ್ಲಾದನಾ ಕಾಯ್ದದೇವನಾ
ಸುಂದರ ವದನ ಗೋವಿಂದ ಮುಕುಂದನಾ
ಮಾಧವ ಕೃಷ್ಣನಾ 2
ಯದುಕುಲಾಬ್ಧಿಚಂದ್ರ ವೇದಗೋಚರನಾ
ಮಧÀು ಸೂದನ ರೂಪ ಮಹಿಮ ಪ್ರಕಾಶನಾ
ಬುದ್ಧ ಜನರ ಸಿರಿಯ ನಾ ಪೂರ್ಣಾನಂದನ
ಚದುರೆ ನೀ ಬೇಗ ಹೋಗಿ ಚಲುವ ಸಂಪನ್ನನಾ 3
ಆನಂದ ನಿಲಯನಾದ ಅಖಿಲವೈಭವನಾ
ಜ್ಞಾನಿಗಳ ಪೊರೆವ ಘನ ಗಂಭೀರನಾ
ಧೇನು ಪಾಲಕ ದೇವಾದಿ ದೇವನ
ಗಾನಲೋಲನಾದ ವೇಣು ಗೋಪಾಲನ 4
ಗರುಡವಾಹನನಾ-----ಜನ ಕಾಯ್ದವನಾ
ಸ್ಥಿರ ಹೆನ್ನ ತೀರದಿ ವಾಸವಾಗಿಹನ
ದೊರೆ 'ಹೆನ್ನ ವಿಠ್ಠಲನ’ ----ದೇವನಾ
ಪೊರೆವನು ನಮ್ಮ ನಿಂದು ಪರಮಹರುಷದಿಂದಾ5

ನಿತ್ಯ ಭೂತಗಳಟ್ಟಿ
ಕಿಂಕರರನು ಸಲಹುತಲಿ
ಪಂಕಜಾಕ್ಷನ ಪಾಡಿ ಪೊಗಳುವೆ ಕೊಡಗಿಯ
ಶಂಕರನಾರಾಯಣರ ಪ
ಪಡುವಿನ ಗಡಲಿನ ತಡಿಯಲಿ ವಿಪ್ರನ
ಗಡಣದ ನಡುವೆ ಕಾನನದಿ
ಒಡೆದುಮೂಡಿದ ದೇವರೊಡೆಯನ ಕೊಡಗಿಯ
ಮೃಡನಾರಾಯಣರ ವರ್ಣಿಸುವೆ1
ದರ್ಪನ ವೈರಿಯಪಿತನ
ತಪ್ಪದೆ ನಂದಿ ಗರುಡವಾಹನನಾ-
ಗಿಪ್ಪದೇವನ ಕಂಡೆನಿಂದು 2
ಮಂಜುಳ ಸರ್ಪಾಭರಣನ ಕಂಡೆನು
ಮಂಜುಳ ಹಾರಪದಕನ
ಕುಂಜರ ಚರ್ಮವು ಪೊಂಬಟ್ಟೆವಸನವು
ಕೆಂಜೆಡೆ ಮಕುಟದ ಪ್ರಭೆಯು 3
ಪುರಹರ ಗೌರೀಶಲಕ್ಷ್ಮೀಶ
ಗಿರಿವಾಸ ವೈಕುಂಠವಾಸ
ವರಚಕ್ರ ತ್ರಿಶೂಲಧರ ತ್ರಾಹಿಯೆಂಬ ಮ-
ತ್ರ್ಯರ ಮನ್ನಿಸುವ ಕರುಣದಲಿ 4
ವ್ರತದಿಂದ ನೋಡುವ ಯತಿಗಳ ಸಂದಣಿ
ಶ್ರುತಿ ಪುರಾಣಗಳರ್ಥಿ ಕೊಡಗಿಯ ದೇವನ
ಮತಿಗೆ ಮಂಗಳವೀವುತಿದಿದಕೊ 5
ರಂಗಪೂಜೆಗಳ ಸಂದಣಿ ಒಂದು ಕಡೆಯಲ್ಲಿ
ಮಂಗಳಾರತಿಯ ಸಂಭ್ರಮವು
ತುಂಗವಿಕ್ರಮನ ಸ್ತುತಿಸಿ ಪಾಡಿ ಪೊಗಳುವ
ಹಿಂಗದೆ ನೋಡುವ ಜನರು 6
ಅಯನದ ಶ್ರೀಬಲಿ ದೀಪದುತ್ಸಹಗಳು
ಭುವನದ ನಡುವೆ ಕಾನನದಿ
ಹಯವದನನೆಂಬ ಕೊಡಗಿಯ ದೇವನ
ನಯದಿ ನರರಿಗೆ ತುತಿಸಲಿನ್ನಳವೆ 7