ಅಮ್ಮನಿಮ್ಮ ಮನೆಗಳಲ್ಲಿ ನಮ್ಮ ಕಂದನ ಕಾಣರೇನೆ ಪ
ಸುಮ್ಮನೆ ಮಲಗಿರುಯೆಂದು ಗಮ್ಮನೆ ನಾ ನೀರಿಗೋದೆ
ಈಮಹೀಪಾಲ ಶ್ರೀರಂಗಾ ಗಮ್ಯವಾಗಿ ಹೋದ ಕಣೇ 1
ನಿದ್ರೆಯ ಮಾಡುತ್ತಲಿದ್ದೂ ಕದ್ದು ಪೋದಾ ನಮ್ಮ ರಂಗಾ
ಇದ್ದ ಮಾತಂತಿರಲಿ ಎನ್ನ ಮುದ್ದು ಕಂದಾ ಪೋದಾಕಾಣೆ 2
ಕದ್ದು ಬೆಣ್ಣೆ ಮೆದ್ದನೆಂದು ಸುದ್ದಿಯತಂದಾನು ಗುರುವೂ
ಗೆದ್ದು ತುಲಶಿರಾಮಾದಾಸಾರಿದ್ದು ಪೋದಾರಂತೆ ಕಣೇ 3

ಬಲವಂತರೋಳಗೆ ಬಲವಂತ ಹನುಮಾ |
ನಳಿನಸಂಭವ ಕರ್ತನಾದ ಮಹಿಮಾ ಪ
ಗಾವುದೈದತ್ತು ಸಾವಿರದಲಿಹ ಪರ್ವತವ |
ಝಾವ ಮೂರಕೆ ತಂದ ನೋಡಿನೇಮಾ1
ಪೋಗಲಾಗಮ್ಯವಾಗಿದ್ದ ಸ್ಥಳವನೇ ಪೊಕ್ಕು |
ಸೌಗಂಧಿಕಾ ಪುಷ್ಪ ತಂದ ಭೀಮಾ2
ವೇದಾಂತ ಸಾಗರದಿ ಖಳನಬಳಿಪ ಹಲವು | ದು-
ರ್ವಾದಿ ಜಲಚರರ ಬಾಯಿಬಿಗಿದ ಮಹಿಮಾ 3
ಗುರು ಮಹೀಪತಿ ಸ್ವಾಮಿ ರಾಮಚಂದ್ರ ಪ್ರೀಯ |
ದುರಿತೌಘದ್ಯುಮಣಿ ಎನಿಪ ನಾಮಾ 4

ಸ್ವಯಂ ಭಾನು ಉದಯವಾದ ನೋಡಿ
ದಯಕರುಣಾನಂದದ ಕೃಪೆಮಾಡಿ ಧ್ರುವ
ರವಿಕೋಟಿತೇಜನೆ ಬಂದ ಮೂಡಿ
ಭವಭ್ರಮದ ಕತ್ತಲ್ಹೋಯಿತೋಡಿ
ದೇವದೇವೋತ್ತಮನ ಪ್ರಭೆ ಕೂಡಿ
ದಿವಾರಾತ್ರಿಲ್ಲದಾಯಿತು ನೋಡಿ 1
ಜ್ಞಾನ ಗಮ್ಯವಾಗಿದ್ದ ಸುವಸ್ತ
ಕಾಣಬಾವ್ಹಾಯಿತು ಮನಸ್ವಸ್ತ
ಮನದಿಂದೆವೆ ಆಯಿತು ಮನಸ್ವಸ್ತ
ಘನಮಯವೆ ತೋರಿತು ಸಮಸ್ತ 2
ತಾನೆ ತನ್ನಿಂದುದಯವಾದ ಪೂರ್ಣ
ನಾನಾವೆಂಬುದ್ಹೋಯಿತನುಮಾನ
ಆನೇಕಲಿದೋರಿತು ಇದೆ ಖೂನ
ದೀನ ಮಹಿಪತಿ ಸ್ವಹಿತ ಸುಧನ 3