ಎಚ್ಚರ ಹಿಡಿ ಮನವೇ |
ನಿಚ್ಚದಿ ಮೆಚ್ಚಿನ ಅಚ್ಚುತನಂಘ್ರಿ ಪ
ಹಾಡುತಾ ನೋಡುತಾ ನೀಡದೊಳಾಡುತಾ
ನಡೆ ನುಡಿಯೊಳು ಬಿಡ ದಡಿ ಗಡಿಗೊಮ್ಮೆ 1
ಹೇಳುತ ಕೇಳುತ ಮೇಳದಿ ಬಾಳುತ |
ಕಳವಳದಳುಕಿನ ಡಳಮಳದೊಳಗೆ 2
ಬಂದದ ಛಂದವಿಂದೇ ಹೊಂದು ಮುಕುಂದನೆಂದು |
ತಂದೆ ಮಹೀಪತಿ ಕಂದಗ ಬೋಧಿಸಿದ 3

ಹರಿ ಹರಿಯೆಂದು ನೆನೆಯೋ
ಮರಿಯದೆ ಮನುಜ ಧ್ರುವ
ನಡೆಯುತ ನುಡಿಯುತ ನಡೆ ನುಡಿಯೊಳಗೆ
ಪೊಡವಿಧರನ ಮಹಿಮೆಯ ಕೊಂಡಾಡುತ
ಇಡವುತ ತೊಡವುತ ಮುಡವುತ ಮನದೊಳು
ಬಿಡದೆ ಸ್ಮರಸೊ ನೀ ಅಡಿ ಗಡಿಗೊಮ್ಮೆ 1
ಉಣುತ ಉಡುತನ್ನೋದಕ ಕೊಳುತ
ವನಿತಯರೊಡಗೂಡಿ ಘನಸುಖ ಪಡೆಯುತ
ಅನಭದಿಂದಾನಂದದಿ ನೆನೆಯೋ
ತನುಮನದೊಳು ನೀ ಕ್ಷಣಕ್ಷಣಕೊಮ್ಮೆ 2
ಏಳುತ ಕೂಡುತ ಮಲಗುತ ನೆನೆಯೋ
ಹಲವು ಪರಿಲಿ ಶ್ರೀ ಹರಿ ಸರ್ವೋತ್ತಮ
ನೆಲೆಗೊಂಡಿರೋ ಮಹಿಪತಿ ನಿಜನಾಮವ
ಸಲಹುತ ಸ್ವಾಮಿ ಶ್ರೀಗುರು ಶ್ರೀಪತಿಯ 3