ಆತ್ಮನಿವೇದನಾಸ್ತುತಿಗಳು
ಸನ್ನುತ ವನಜಭವಾನುತ ಪ
ಮುನಿಜನವಂದಿತ ಅನಘ ವಿರಾಜಿತ ಅ.ಪ
ಭಕುತಿಯಲ್ಲವೆ ಜೀಯ ಮುಕುತಿಗೊಂಡಿಹನಯ್ಯ
ವಿಕಳನಾ ಮುನಿಗೇಯ ಸುಕವಿಪೂಜಿತಕಾಯ 1
ಮರೆಯಬೇಡವೋ ಯನ್ನ ಗರುಡಗಮನ ನಿನ್ನ
ಚರಣ ಸೇವಕರನ್ನ ನಿರುತನೆನೆವೆ ಮುನ್ನ 2
ನಡುಗಡಲಿನೊಳಿಹೆ ತಡಬಡಿಸುತಲಿಹೆ
ಪಿಡಿಯಲು ತೃಣವಿಲ್ಲ ನುಡಿವರು ಗತಿಯಿಲ್ಲ 3
ತಾಮಸನಯ್ಯ ಬೇಡ ನೀ ಮನಸೋಲಬೇಡ
ಪಾಮರ ವರದನೆ | ರಾಮದಾಸಾರ್ಚಿತನೆ4
ಮಾಂಗಿರಿವರವಾಸ ರಂಗನಾಥನೆ ಶ್ರೀಶಾ
ಹಿಂಗದೆ ಯನ್ನಂತರಂಗದೆ ನಿಲೊ ಈಶಾ 5

ಜಯ ಜಯವೆಂಬೆ ನಾನು ಶ್ರೀವರ ನಿನಗೆ ಪ
ಜಯವೆಂಬೆ ಶ್ರೀವರನೆ ಭಯ ದೋಷವರ್ಜಿತನೆ
ಅಯನ ವತ್ಸರಗಳೆಂಬ ನಿಯಮವು ಇಲ್ಲದವನೆ ಅ.ಪ.
ತಿರುಗಿಣಿ ಪಾಲಿಸುವಿ
ಪಾಲಗಡಲಿನಲ್ಲಿ ಆಲದೆಲೆಯಮೇಲೆ ಕಾಲನು
ನೀಡಿ ನೀ ಮಲಗಿರುವಿ 1
ಸೃಷ್ಟಿಕರ್ತನು ಸೃಷ್ಟಿಪಾಲಕ ನೀನು ಶಿಷ್ಟ ಜನರಭಿಪ್ರದ ನೀನು
ಕಷ್ಟಲೇಶವಿಲ್ಲದೆ ಶಿಷ್ಟ ಜನರುಗಳರಿಷ್ಟವೆಲ್ಲವ ನೀ ಕಟ್ಟಿ ಕೆಡಹುವಿ 2
ದೇವ ಶ್ರೀವತ್ಸಾಂಕಿತನೆ3

ನಿತ್ಯ ಭೂತಗಳಟ್ಟಿ
ಕಿಂಕರರನು ಸಲಹುತಲಿ
ಪಂಕಜಾಕ್ಷನ ಪಾಡಿ ಪೊಗಳುವೆ ಕೊಡಗಿಯ
ಶಂಕರನಾರಾಯಣರ ಪ
ಪಡುವಿನ ಗಡಲಿನ ತಡಿಯಲಿ ವಿಪ್ರನ
ಗಡಣದ ನಡುವೆ ಕಾನನದಿ
ಒಡೆದುಮೂಡಿದ ದೇವರೊಡೆಯನ ಕೊಡಗಿಯ
ಮೃಡನಾರಾಯಣರ ವರ್ಣಿಸುವೆ1
ದರ್ಪನ ವೈರಿಯಪಿತನ
ತಪ್ಪದೆ ನಂದಿ ಗರುಡವಾಹನನಾ-
ಗಿಪ್ಪದೇವನ ಕಂಡೆನಿಂದು 2
ಮಂಜುಳ ಸರ್ಪಾಭರಣನ ಕಂಡೆನು
ಮಂಜುಳ ಹಾರಪದಕನ
ಕುಂಜರ ಚರ್ಮವು ಪೊಂಬಟ್ಟೆವಸನವು
ಕೆಂಜೆಡೆ ಮಕುಟದ ಪ್ರಭೆಯು 3
ಪುರಹರ ಗೌರೀಶಲಕ್ಷ್ಮೀಶ
ಗಿರಿವಾಸ ವೈಕುಂಠವಾಸ
ವರಚಕ್ರ ತ್ರಿಶೂಲಧರ ತ್ರಾಹಿಯೆಂಬ ಮ-
ತ್ರ್ಯರ ಮನ್ನಿಸುವ ಕರುಣದಲಿ 4
ವ್ರತದಿಂದ ನೋಡುವ ಯತಿಗಳ ಸಂದಣಿ
ಶ್ರುತಿ ಪುರಾಣಗಳರ್ಥಿ ಕೊಡಗಿಯ ದೇವನ
ಮತಿಗೆ ಮಂಗಳವೀವುತಿದಿದಕೊ 5
ರಂಗಪೂಜೆಗಳ ಸಂದಣಿ ಒಂದು ಕಡೆಯಲ್ಲಿ
ಮಂಗಳಾರತಿಯ ಸಂಭ್ರಮವು
ತುಂಗವಿಕ್ರಮನ ಸ್ತುತಿಸಿ ಪಾಡಿ ಪೊಗಳುವ
ಹಿಂಗದೆ ನೋಡುವ ಜನರು 6
ಅಯನದ ಶ್ರೀಬಲಿ ದೀಪದುತ್ಸಹಗಳು
ಭುವನದ ನಡುವೆ ಕಾನನದಿ
ಹಯವದನನೆಂಬ ಕೊಡಗಿಯ ದೇವನ
ನಯದಿ ನರರಿಗೆ ತುತಿಸಲಿನ್ನಳವೆ 7

ವೇದವಿದಿತ ಶೌರೀ ಮುರಾರೀ ಮಧು ಕೈಟಭವೈರೀ ಪ
ಭೋಗಿ ಶಯನ ಮಾಯ ಶ್ರೀಗುರು ಚಿನ್ಮಯ
ನಾಗಭೂಷಣಹೃದಯಾ ಸದಯಾ ಅ.ಪ
ನಡುಗಡಲಿನೊಳೆನ್ನ ಬಿಡಬೇಡ ಸಲಹೆನ್ನ
ಅಡಿಗೆರಗುವೆ ನಿನ್ನ ಶ್ರೀಶ ಮೋಹನ್ನಾ
ಕಡುಬಾಲ ಧ್ರುವ ತನ್ನದೃಢದಿ ನೆನೆಯೆ ನಿನ್ನ
ಪಡೆದನು ಪದವಿಯ ತಾ ವಿನೀತ 1
ಅಜಮಿಳವರದನೆ ಗಜರಾಜಗೊಲಿದನೆ
ಸುಜನ ಸಮ್ಮಾನಿತನೆ ಮಾಂಗಿರಿಯರಸನೆ
ಅಜಸುರ ವಿನುತನೆ ರಾಮದಾಸಾರ್ಚಿತನೆ
ಭಜಕ ವಾರಿಧಿಸೋಮ ವಿರಾಮಾ 2

ಹರಿ ಲೀಲೆಯ ನೋಡೀ ಹರಿಯಾಡುವದೀ ಪ
ಹೊಕ್ಕಳ ಹೂವಿಲಿ ಬೊಮ್ಮನ ಪಡೆದವ |
ಅಕ್ಕರದಲಿ ನಂದನ ಮಗನಾದ 1
ವಶವಲ್ಲದ ಪಾಲ್ಗಡಲಿನ ಮುನಿಯವ |
ಯಶೋದೆಯ ಮೊಲೆವಾಲುಂಬುವ 2
ಮಹಿಪತಿ ಸುತ ಪ್ರಭು ಚರಿತೆಯ ಪಾಡಲು |
ಇಹಪರ ಸುಖವನು ನೀಡುವದೀ 3