ಭವ ಭಸಿ-
ತಾಂಗನ ನೋಡಿದೆ ಪ.
ರಂಗನ ತನ್ನಂಗದೊಳಗೆ ಇಟ್ಟು
ಹಿಂಗದೆ ನೆನೆಯುವ ಮಂಗಳ ಮೂರುತಿ ಅ.ಪ.
ತ್ಯಕ್ಷನ ನೋಡಿದೆ | ಕರುಣಕ-
ಟಾಕ್ಷನ ನೋಡಿದೆ
ವೀಕ್ಷಣದಿಂದ ಶ್ರೀ ವಕ್ಷನ ಸುತನನು
ಶಿಕ್ಷಿಸಿದ ಫಾಲಾಕ್ಷನ ಶಿವನ 1
ಹರನನು ನೋಡಿದೆ | ಗಂಗಾ-
ಧರನನು ನೋಡಿದೆ
ಗಿರಿಜೆವಲ್ಲಭ ಭಾಸುರ ವಂದಿತನಾ
ಸರಿತು ತುಂಗ ಪಂಪಾಪುರವಾಸನ 2
ಶೂಲಿಯ ನೋಡಿದೆ | ರುಂಡ
ಮಾಲಿಯ ನೋಡಿದೆ
ಕೈಲಾಸದಿ ಉಮೆ ಲೋಲನೆನಿಸಿ ಇಲ್ಲಿ
ವ್ಯಾಳಭೂಷಣನಾಗಿ ಲೀಲೆಯೊಳ್ ಮೆರೆವನ 3
ಈಶನ ನೋಡಿದೆ | ನರಹರಿ
ದಾಸನ ನೋಡಿದೆ
ಪಾಶುಪತಾಸ್ತ್ರವ ವಾಸವಜನಿಗಿತ್ತ
ಪೋಷಿಕಿರಾತನ ವೇಷನ ಹರುಷದಿ 4
ದಿಟ್ಟನ ನೋಡಿದೆ | ವೈಷ್ಣವ
ಶ್ರೇಷ್ಠನ ನೋಡಿದೆ
ವೃಷ್ಣೀಶ ಗೋಪಾಲಕೃಷ್ಣವಿಠ್ಠಲನಿಗೆ
ಪುಟ್ಟ ಮೊಮ್ಮಗನಾಗಿ ತುಷ್ಟಿಪಡಿಸುವನ5