ಕಾಯೋ ಕಾಯೋ ಪ
ಕಾಯೋ ಕಾಯೋ ಕಮಲಯತಾಕ್ಷ ಭವ
ತೋಯಧಿಯೊಳು ಬಿದ್ದು ಬಾಯ ಬಿಡುವನ ಅ
ಅದ್ವೈತ ತ್ರಯದಧ್ವ ಪ್ರವರ್ತಕ
ಸದ್ವೈಷ್ಣವರ ಪದದ್ವಯತೋರಿ 1
ಸಂಜೆಯ ತೋರಿ ಧನಂಜಯನುಳುಹಿದ
ನಿರಂಜನ ಮೂರ್ತೆ 2
ಸತ್ಯಕಾಮ ತವ ಭೃತ್ಯೆಗೆ ಬಂದಪ
ಮೃತ್ಯು ಕಳೆದು ಸಂಪತ್ತು ಪಾಲಿಸಿದೆ 3
ಕುಕ್ಷಿಯೊಳಂದು ಪರೀಕ್ಷಿದ್ರಾಜನ
ರಕ್ಷಿಸಿದಂತೆ ಪ್ರತಿಕ್ಷಣದಲಿ 4
ಎಲ್ಲರೊಳಿಹ ಕೈವಲ್ಯದರಸು ನೀ
ಬಲ್ಲಿದನೆಂಬುದ ಬಲ್ಲೆ ಬಹು ಬಗೆ 5
ನೀ ದಯ ಮಾಡದಿರೀ ದಿವಿಜರು ಒಲಿ
ದಾದರಿಸುವರೆ ವೃಕೋದರ ವಂದ್ಯ 6
ಅಧಮ ನಾನಹುದುದಧಿ ಮಥನ ಸ
ನ್ಮುದ ಮುನಿಮತ ಪೊಂದಿದವರಣುಗನು 7
ಕ್ಷುದ್ರ ಭೂಮಿಪರುಪದ್ರವ ಕಳೆದು ಸು
ಭದ್ರವೀಯೋ ಕ್ಷುದ್ರುಮದಂತೆ 8
ವೀತಭಯ ಜಗನ್ನಾಥ ವಿಠಲ ಸುಖೇತರ ಕಳೆದು ಮಹಾತಿಶಯದಲಿ 9

ದಯಮಾಡೋ ದಯಮಾಡೋ ಪ
ಭಯಕರ ಸುಮಹ -ದ್ಭಯಹರ ಯತಿವರ ಅ.ಪ
ಮೋಕ್ಷದ ಕರುಣ - ಕಟಾಕ್ಷದಿ ಎನ್ನನು
ವೀಕ್ಷಿಸಿ ನಿನ್ನ ನಿರೀಕ್ಷಿಸುವಂತೆ 1
ಲಕ್ಷ್ಯಾಧೀಶರ ಲಕ್ಷಿಲ್ಲದೆ ಙÁ್ಞ -
ನಾಕ್ಷದಿ ತವಪದ ಲಕ್ಷಿಸುವಂತೆ 2
ಸತ್ಯಾಭಿದ - ನಪ - ಮೃತ್ಯುಹರಿಸಿ ಮುದ
ವಿತ್ತು ಪಾಲಿಸಿದ - ಉತ್ತಮ ಎನಗೇ 3
ಬಲ್ಲಿದತರ ಮಹ - ಪ್ರಲ್ಹಾದ ನಿನ್ನೊಳು
ನಿಲ್ಲಿಸು ಎನಮನ - ಎಲ್ಲಿ ಚಲಿಸದಂತೆ 4
ದಾತಗುರು ಜಗನ್ನಾಥ ವಿಠಲನ
ದೂತಾಗ್ರಣಿ ಸು - ಖೇತರ ಕಳೆದು 5

ಪ್ರದೋಷಕಾಲವಿದೀಗ ನೀ ಮರೆ-
ಯದೇ ನೆನೆಯೊ ಶಿವನಾ ಶಂಕರನಾ ಪ
ಸದಾ ಸಕಲ ಸುರರಿಂದ ಕೂಡಿ ತಕ
ತಧಿಂ ಎನುತ ಕುಣಿಯುವ ಶಿವನೀಗಲೂ ಅ.ಪ
ಸಕಲ ವಾದ್ಯಗಳೂ
ಶಂಭೋ ಎಂಬ ಸುವಾದಗಳೂ
ತುಂಬುರ ನಾರದರೂ ನುಡಿಸಿ ಹೇ-
ರಂಬ ಜನಕ ವಿಶ್ವಂಭರ ಎಂದು ದಿ-
ಗಂಬರನಾಗಿ ಚಿದಂಬರ ಕುಣಿಯುವ 1
ಭೂಷಣಗಳ ಮಾಡಿ
ಭಿಕ್ಷವನೂ ಬೇಡಿ
ತಾತನಾಗಿ ಮೆರೆದು ಹಿಮ ಶೈಲ-
ಜಾತೆ ಸಹಿತ ಪ್ರಖ್ಯಾತನಾಗಿ ಭವ-
ಭೀತಿ ಬಿಡಿಸಿ ದುಃಖೇತರ ಕೊಡುವನು 2
ಗಿರಿರಾಜಕುಮಾರಿ ಕೈಮುಗಿದು ತನಗರುಹು ತತ್ವವೆನಲು
ಸುರರು ಭಲಾ ಎನಲು
ಪರಮ ಗುಣಸಾಂದ್ರ | ಕೇಳು ದಿನ-
ಪರಾತ್ಪರನು ಶ್ರೀ ಗುರುರಾಮವಿಠಲ
ವರತಾರಕ ಮಂತ್ರವಿದೇ ಎಂದನು 3