ಕೇಳು ನಾ ಪೇಳ್ವದೊಂದಾ ನಿತ್ಯಾನಂದಾ ಪ.
ಕೇಳು ನಾ ಪೇಳ್ವದೊಂದಾ ಕಂಸಾದ್ಯಸುರವೃಂದ
ಸೀಳಿ ಶೀಘ್ರಾದಿ ಪರಿಹರಿಸಿದಿ ಪಿತೃ ಬಂಧ ಅ.ಪ.
ನಿಗಮ ತತಿಗಳು ನಿಶ್ಯೇಷ ತಿಳಿಯದ
ಸುಗುಣವಾರಿಧಿ ಸುಖಬೋಧ ದೇಹ
ಸ್ವಗತ ಖೇದೊಝ್ಝಿತ ಸರ್ವ ನಿಯಾಮಕ
ಖಗಪತಿವಾಹನ ಕಾಮಿತ ಭಾವನ
ಪಾಲನ ಪರಾತ್ಪರ
ಸ್ವಗತಿ ನಿಯತಿ ಜ್ಞಾನ ದಾಯಕ
ತ್ರಿಗುಣ ವರ್ಜಿತ ತ್ರಿಭುವನೇಶ್ವರ
ಮಗುವು ನುಡಿವುದ ಮಾತೆಯಂದದಿ 1
ಮೊದಲಿನ ಭವಗಳ ಹದನ ಒಂದರಿಯೆನು
ಪಾದ ಪದುಮಗಳ
ಸದರದಿ ಸೇವಿಸಲಧಿಕ ಸಾಧನ ಮಾನು
ಷ್ಯದಿ ಬಂದು ವೈಷ್ಣವ ಬುಧರಾ ಸೇವೆಯ ಬಿಟ್ಟು
ವಿಧವಿಧ ಮೋಹಾಂಧಕಾರಗ-
ಳುದಿಸಲದರೊಳು ಸಿಲುಕಿ ನಿರುಪದಿ
ಬಧಿರ ಮೂಕ ಜಡಾಂಧನಾದೆನು
ಸದಯ ಇನ್ನಾದರೂ ಕಟಾಕ್ಷದಿ 2
ತಾಪತ್ರಯೋನ್ಮೂಲನೇಶಾ ಕೌಸ್ತುಭಭೂಷ
ಸುಜನ ಗಣೈಕ ಪೋಷಾ
ಈಪರಿಯೊಳಗೆನ್ನ ಜರಿವದುಚಿತವೇನೊ
ಕಾಪುರುಷರ ಸಂಗ ಕಡಿದು ಕರುಣವಿಟ್ಟು
ಶ್ರೀ ಪಯೋಜ ಭವೇಂದ್ರ ವಂದ್ಯ ಪ್ರ-
ದೀಪ ಸತ್ಸಿದ್ಧಾಂತ ತಿಳಿಸಿ ಪ-
ದೇ ಪದೇ ಕಾಪಾಡು ವೆಂಕಟ
ಭೂಪ ನೀ ಗತಿಯೆಂದು ನಂಬಿದೆ ಕೇಳು 3

ಜಗವು ನಿನ್ನಧೀನ ಖಗಪತಿವಾಹನ
ನಿಗಮ ಗೋಚರ ಕೃಷ್ಣ ನಿತ್ಯತೃಪ್ತ ಮೋಹನ ಪ.
ಇಂದಿರೆ ನಾಯಕ
ಸಿಂಧುಶಯನ ಸದಾನಂದ ಸುಖಪ್ರದ 1
ಜೀವವಿಲಕ್ಷಣ ಜೀವಸಂಪ್ರೇಕ್ಷಣ
ಕೇವಲ ನಿರ್ಗುಣ ಕೇಶಿನಿಷೂದನ2
ವಾಯುಜನಕ ಯದುರಾಯ ರುಕ್ಮಿಣಿ ಸಖ
ಪ್ರಿಯ ಶ್ರೀ ಲಕ್ಷುಮಿನಾರಾಯಣ ಪಾವನ 3

ದೇವಕಿ ನಂದನ ಕೃಷ್ಣಾ
ಭಂಜನ ಭಾವಜಪಿತ ಶ್ರೀಕೃಷ್ಣಾ ಪ
ಇಭರಾಡ್ಪರದ ಶ್ರೀಕೃಷ್ಣ 1
ಶ್ರೀಕೇಶವ ಶಶಿ ಶೇಖರನುತ ಕರುಣಾಕರ ರೂಪ ಶ್ರೀಕೃಷ್ಣ 2
ಕುಂದರದನ ಕಾಲಿಂದೀವರ ಮನ್ಮಂದಿರೋದ್ಧಾರ ಶ್ರೀಕೃಷ್ಣಾ 3
ಶ್ರೀ ಖಗಪತಿವಾಹನ ಕೃಷ್ಣ 4
ಚಾರುಚರಿತ ವಿಸ್ತಾರ ಮಹಿಮಾ ನೀರೇರುಹಲೋಚನ ಕೃಷ್ಣ 5
ಕೈಟಭ ದಾನವ ಖಂಡನ ಭಾಸುರ ಹಾಟಕಾಂಬರಧರ ಕೃಷ್ಣ 6
ಶ್ರೀಪತಿಭವ ಸಂತಾಪಹರಣ 'ಹೆನ್ನೆಪುರನಿಲಯ' ಕೃಷ್ಣಾ 7

ಭವಭಯಹರ ಶ್ರೀ ಮುಕ್ಕುಂದ
ಭವರೋಗಕ್ವೈದ್ಯ ಶ್ರೀ ಗೋವಿಂದ ಪ
ಧ್ರುವ ದ್ರುಪದತನುಜಾತೆಯೊರೆದ ಹರಿ
ಶಿವನುತ ಸಚ್ಚಿತ್ತಾನಂದ ಅ.ಪ
ಪಂಕಜಾನಪಿತ ಗೋವಿಂದ
ಕಿಂಕರಾಶ್ರಿತ ಗೋವಿಂದ
ಶಂಖಧಾರಣ ಸಿರಿಗೋವಿಂದ
ಶಂಖಾಸುರನ ಹರ ಗೋವಿಂದ
ಮಂಕು ದನುಜಕುಲ
ಬಿಂಕ ಮುರಿದ ಅಕ
ಳಂಕಮಹಿಮ ಮಹ ಗೋವಿಂದ1
ಸ್ಮರಿಪ ನೆರೆವಾಸ ಗೋವಿಂದ
ದುರುಳರ ಕುಲನಾಶ ಗೋವಿಂದ
ದುರಿತ ನಿವಾರಣ ಗೋವಿಂದ
ಶರಣಜನರಪ್ರಾಣ ಗೋವಿಂದ
ತರಳನೋದ್ಧಾರಣ
ಕರಿರಾಜವರದನ
ತರುಣೆಯ ರಕ್ಷಣ ಗೋವಿಂದ 2
ಜಗದಾಧಾರನೆ ಗೋವಿಂದ
ಸುಗಣಗುಣಾಂತರಂಗ ಗೋವಿಂದ
ರಘುಕುಲಪಾವನ ಗೋವಿಂದ
ಖಗಪತಿವಾಹನ ಗೋವಿಂದ
ನಿಗಮಕೆ ಸಿಲುಕದ
ಅಗಾಧ ಮಹಿಮ
ಜಗತ್ರಯ ಮೋಹನ ಗೋವಿಂದ 3
ನೀಲಮೇಘಶ್ಯಾಮ ಗೋವಿಂದ
ಕಾಲಕಾಲಹರ ಗೋವಿಂದ
ಪಾಲಸಾಗರಶಾಯಿ ಗೋವಿಂದ
ಲೋಲ ವಿಶ್ವರೂಪ ಗೋವಿಂದ
ಪಾಲಭಜಕ ಭವ
ಜಾಲಹರಣ ಸರ್ವ
ಮೂಲಮಂತ್ರ ಹರಿ ಗೋವಿಂದ 4
ಭೂಮಿಜಾತೆಪತಿ ಗೋವಿಂದ
ಕಾಮಜನಕ ಶ್ರೀಶ ಗೋವಿಂದ
ಕೋಮಲಾಂಗ ರಂಗ ಗೋವಿಂದ
ಸ್ವಾಮಿ ಪುಣ್ಯನಾಮ ಗೋವಿಂದ
ಶಾಮವರ್ಣನುತ
ಪ್ರೇಮಮಂದಿರ ಶ್ರೀ
ರಾಮ ದಾಮೋದರ ಗೋವಿಂದ 5

ಮನವು ಕರಗದೇನೋ ಸಿರಿಹರಿ ಮುನಿಸದೇಕೆ ಪೇಳೋ ಪ
ತನು ಮನ ಧನಗಳ ನಿನಗೊಪ್ಪಿಸುತ್ತಲಿ
ಮುನಿವರರೊಲು ನಿನ್ನ ನೆನೆಯಲಿಲ್ಲವುಯೆಂದು ಅ.ಪ
ಬಾಲತನದೆ ನಿನ್ನ ನೆನೆಯದೆ ಕಾಲಕಳೆದೆ ಯೌವನದೊಳು
ಲೋಲುಪನಾದೆನ್ನ ಕಾಲದೂತರು ಬಂದು ನೂಲಿಂದಚಿಳೆದರೂ 1
ಜಗವು ಚಿರವೆಂದು ಸತತವು ಬಗೆದು ಭ್ರಾಂತನಾದೆನ
ಅಗಣಿತ ನೀಲಮಣಿ | ಖಗಪತಿವಾಹನ [ಪೊರೆಯಲಿನ್ನು] 2
ಗಂಗಾಧರ ರಂಗಾ ನೀನೆನ್ನಂತರಂಗದೆ ನಿಲಲಿನ್ನು3

ಶ್ರೀಕೃಷ್ಣ
ಕಂಡಿರೆ ಅದ್ಭುತ ಕೂಸ ಕಂಡಿರೆ
ಕಂಡಿರೆ ಅದ್ಭುತ ಕೂಸ ನಾಭಿ- ಪ.
ಮಂಡಲದೊಳಗಬ್ಜಕೋಶ ಅಹ ರಿಪು
ಪುಂಡರೀಕ ಚಕ್ರ ಪಾಂಡವ ವನರುಹ
ಚಂಡಗದಾದಂಡ ಮಂಡಿತ ಹಸ್ತನ ಅ.ಪ
ಈರೇಳು ಭುವನದೊಳಿಲ್ಲದಂಥ
ಚಾರು ಶೃಂಗಾರಗಳೆಲ್ಲ
ಸಿರಿನಲ್ಲ ನಿನ
ಗ್ಯಾರು ಸರ್ವೋತ್ತಮರಿಲ್ಲ ಅಹ
ಕ್ರೂರ ಕಂಸಭಯಭೀರುಗಳಾಗಿಹ
ಶೌರಿ ದೇವಕಿಯಯಿದಾರನೆಯ ಮಗುವನು 1
ಪಾದ ವೃತ್ತ
ಜಂಘೋರು ಪರಿಗತವಾದ ಜಾನು
ಶೃಂಗದಂತೆ ಪೂರ್ಣಮಾದ ಮಾ
ತಂಗ ಹಸ್ತಸಮನಾದ ಅಹ
ಪೀವರೋರು ಸಂಗಿ ಸರ್ವಲೋಕ
ಮಂಗಲದಾಯಿ ಶುಭಾಂಗವಾಸನನ್ನು 2
ತ್ರಿಭುವನ ಕಮಲಾಧಾರ ನಾಳ
ನೆಗೆದು ಬಂದಿರುವ ಗಂಭೀರ ನಾಭಿ
ಸ್ವಗತ ಭೇದದಿಂದ ದೂರ ನಾನಾ
ಬಗೆಯಾದ ಲೀಲಾವತಾರ ಅಹ
ನಗುವ ರಮೆಯ ಸ್ತನಯುಗ ಮಧ್ಯದೊಳಗಿಟ್ಟ
ಖಗಪತಿವಾಹನ ಮಗುವಾದ ಬಗೆಯನು 3
ಕಂಬುಸಮಾನ ಸುಗ್ರೀವ ಲಲಿ-
ತಾಂಬುಜಮಾಲೆಯ ಭಾವ ವಿಧಿ-
ಕೌಸ್ತುಭ ಶೋಭಾ ಕರು
ಣಾಂಬುಧಿ ಭಕ್ತ ಸಂಜೀವಾ ಅಹ
ಬಿಂಬಾಧರ ಕಮಲಾಂಬಕ ಮೃದುನಾಸ
ನಂಬಿದ ಭಕ್ತ ಕುಟುಂಬಿಯಾಗಿರುವವನ 4
ಮಕರಕುಂಡಲ ಯುಗ್ಮಲೋಲ ದಿವ್ಯ
ಕಪೋಲ ಭವ
ಚಕಿತರ ಸಲಹುವ ಬಾಲ ಪೂರ್ಣ
ಅಕಳಂಕ ತಾರೇಶ ಲೀಲಾ ದಿವ್ಯ
ಮುಖ ಲಲಾಟ ರತ್ನ ನಿಕಲ ಕಿರೀಟ ಸೇ-
ವಕರ ರಕ್ಷಿಪ ಪೂರ್ಣ ಶಿಖರೀಂದ್ರವಾಸನ5

ಜಗವು ನಿನ್ನಧೀನ ಖಗಪತಿವಾಹನನಿಗಮಗೋಚರ ಕೃಷ್ಣ ನಿತ್ಯತೃಪ್ತ ಮೋಹನಪ.ಇಂದ್ರಿಯ ಪ್ರೇರಕಇಂದಿರೆನಾಯಕಸಿಂಧುಶಯನ ಸದಾನಂದ ಸುಖಪ್ರದ 1ಜೀವವಿಲಕ್ಷಣ ಜೀವಸಂಪ್ರೇಕ್ಷಣಕೇವಲ ನಿರ್ಗುಣ ಕೇಶಿನಿಷೂದನ 2ವಾಯುಜನಕ ಯದುರಾಯ ರುಕ್ಮಿಣಿಸಖಪ್ರಿಯ ಶ್ರೀ ಲಕ್ಷುಮಿನಾರಾಯಣ ಪಾವನ 3

ದೇವಕಿನಂದ ಮುಕುಂದ ಪನಿಗಮೋದ್ಧಾರ -ನವನೀತ ಚೋರ |ಖಗಪತಿವಾಹನ ಜಗದೋದ್ಧಾರ1ಶಂಖ -ಚಕ್ರಧರ - ಶ್ರೀ ಗೋವಿಂದ |ಪಂಕಜಲೋಚನ ಪರಮಾನಂದ 2ಮಕರಕುಂಡಲಧರ - ಮೋಹನವೇಷ |ರುಕುಮಿಣಿವಲ್ಲಭ ಪಾಂಡುವಪೋಷ 3ಕಂಸಮರ್ದನ - ಕೌಸ್ತುಭಾಭರಣ |ಹಂಸ -ವಾಹನ ಪೂಜಿತಚರಣ 4ವರವೇಲಾಪುರ ಚೆನ್ನಪ್ರಸನ್ನ |ಪುರಂದರವಿಠಲ ಸಕಲಗುಣ ಪೂರ್ಣ 5

ನೀನೇ ದಯಾಳು ನಿರ್ಮಲಚಿತ್ತ ಗೋವಿಂದನಿಗಮಗೋಚರ ಮುಕುಂದಪಜ್ಞಾನಿಗಳರಸು ನೀನಲ್ಲದೆ ಜಗಕಿನ್ನುಮಾನದಿಂದಲಿಕಾವದೊರೆಗಳ ನಾ ಕಾಣೆಅ.ಪಬಗೆಬಗೆಯಲಿ ನಿನ್ನ ಸ್ತುತಿಪೆನೊನಗಧರಖಗಪತಿವಾಹನನೆ ||ಮಗುವಿನ ಮಾತೆಂದು ನಗುತ ಕೇಳುತ ನೀನುಬೇಗದಿಂದಲಿ ಕಾಯೋ ಸಾಗರಶಯನನೆ 1ದಾನವಾಂತಕ ದೀನ ಜನ ಮಂದಾರನೆಧ್ಯಾನಿಪರ ಮನದೊಳು ಸಂಚರನೆ ||ಮೌನನಾದೆನು ನಿನ್ನ ಧ್ಯಾನಾನಂದದಿ ಈಗಸಾನುರಾಗದಿ ಕಾಯೊ ಸನಕಾದಿ ವಂದ್ಯನೆ 2ಮಂದರೋದ್ಧರ ಅರವಿಂದ ಲೋಚನ ನಿನ್ನ ||ಕಂದನೆಂದೆನಿಸೂ ಎನ್ನ ||ಸಂದೇಹವೇತಕೆ ಸ್ವಾಮಿ ಮುಕುಂದನೆಬಂದೆನ್ನ ಕಾಯೊ ಶ್ರೀಪುರಂದರವಿಠಲನೆ3