ಹೊಟ್ಟೆ ಎಲೆ ಹೊಟ್ಟೆ
ಭ್ರಷ್ಟ ನಿನಗಾಗಿ ಜಗದೊಳು ನಾ ಕೆಟ್ಟೆ ಪ
ಜನರ ಗೋಣು ಮುರಿದೆ ನಿನಗಾಗಿ
ಪರರಿಗ್ಹಾನಿ ಬಯಸಿದೆ ನಿನಗಾಗಿ
ಮಾನಹೀನಾದೆನು ನಿನಗಾಗಿ
ಮಾಣದ ಅಪವಾದ ಕ್ಷೋಣಿಯೊಳ್ಹೊತ್ತು ನಾ
ಕ್ಷೀಣಿಸುತಿರುವೆನು ಗೇಣ್ಹೊಟ್ಟೆ ನಿನಗಾಗಿ 1
ಬಹು ಸುಳ್ಳನಾಡಿದೆ ನಿನಗಾಗಿ
ಮಹ ಕಳ್ಳನೆನಿಸಿದೆ ನಿನಗಾಗಿ
ತೊರೆದೊಳ್ಳೆಗುಣವ ನಿನಗಾಗಿ
ಗುರು ತಳ್ಳಿಬಿಟ್ಟೆನು ನಿನಗಾಗಿ
ತಿಳಿಯದೆ ಕೆಟ್ಟೆನು ಇಳೆಯೊಳು ತಿರುಗುತ
ಕಳವಳಿಸುತಲತಿಲೊಳ್ಳೊಟ್ಟಿ ನಿನಗಾಗಿ 2
ನಿನ್ನ ನಂಬಿ ಮರೆದೆ ರಾಮನಾಮ
ನಿನ್ನ ನಂಬಿ ತೊರೆದೆ ನಿತ್ಯನೇಮ
ನಿನ್ನ ನಂಬಿ ಪಡೆಯದ್ಹೋದೆ ಕ್ಷೇಮ
ನಿನ್ನ ನಂಬಿ ಬಿಟ್ಟೆನು ಅತಿಶ್ರಮ
ನಿನ್ನಿಂದ ಮತಿಗೆಟ್ಟೆ ನಿನ್ನಿಂದ ವ್ಯಥೆಪಟ್ಟೆ
ನಿನ್ನಿಂದ ಗತಿಗೆಟ್ಟೆ ಸತತ ಭುವನದೊಳು 3