ತಿರುಪತಿ
ಶೇಷಾದ್ರಿವಾಸ ಶ್ರೀನಿವಾಸ ಪ
ಶೇಷಾದ್ರಿವಾಸ ವಾಸುಕಿಶಯನನೆ
ಕೇಶಿಸಂಹಾರಕನೆ ಕ್ಲೇಶಭವದೂರನೆ ಅ.ಪ
ಭಾಭರಣನೇ ಕರುಣಾಸಾಗರನೆ 1
ಪಾಂಡವಪಕ್ಷ ಶ್ರೀನಿವಾಸ ದೈತ್ಯಕುಲಶಿಕ್ಷ
ಯಾದವರಕ್ಷ ಯದುಕುಲಪಕ್ಷನೆ
ಸಜ್ಜನ ರಕ್ಷನೆ ಕರುಣಾಕಟಾಕ್ಷನೆ 2
ಭವಭಯಭಂಗ ಶ್ರೀನಿವಾಸ ಕರುಣಾಪಾಂಗ
ಗರುಡತುರಂಗನೆ ನೀಲಮೇಘಾಂಗನೆ
ಸುಗ್ರೀವಸಂಗನೆ ವಾಲಿ ವಿಭಂಗನೆ 3
ಕ್ಷೀರಾಬ್ಧಿಯಿಂದ ನಾರಾಯಣ ಭರದಿ ತಾ ಬಂದ
ಕಮಲದೊಳಗೆ ಬಂದ ರಮಣೀಸಹಿತ ತಾ ನಿಂದ
ಭಕ್ತರ ಪೊರೆಯುತ ನಿಂದ ಗೋವಿಂದ 4
ಗರುಡವಾಹನನೆ ಶ್ರೀನಿವಾಸ ಪರಮಪಾವನನೆ
ಪಂಕಜನಯನನೆ ಪದ್ಮಿನೀ ಅರಸನೆ
ಶ್ರೀನಿವಾಸನೆ ಎನ್ನ ರಕ್ಷಿಸೊ ನೀನು 5

ದಯಮಾಡೋ ದಯಾಸಾಗರ ಪ
ಕರುಣಾ ಕಟಾಕ್ಷನೆ ವರಪೀನ ವಕ್ಷನೆ
ಪರಮ ಪುರುಷ ಪವನಾತ್ಮನೇ
ಪರಮ ಪುರುಷ ಪವನಾತ್ಮನೇ 1
ಕಂಬು ಕಂದರನೆ
ಸಂಭ್ರಮದಿ ಕಾಯೊ ದೇವನೆ
ಸಂಭ್ರಮದಿ ಕಾಯೊ ದೇವನೆ 2
ಜ್ಞಾನಿಗಳರಸನೆ ಪ್ರಾಣನಾಥವಿಠಲನೆ
ಮಾನದಿಂದ ಕಾಯೊ ದೇವನೆ
ಮಾನದಿಂದ ಕಾಯೊ ದೇವನೆ 3