ವಂದನೆ ಗೈವೆನು ಗುರುವೆ ಚರಣಾರವಿಂದದ್ವಯಕೆ ಮಣಿವೆ
ನೀನೇ ಕಾಯೋ ಎನ್ನ ಸದ್ಗುರುವೆ ಪ
ಬಂದು ಸೇರಿದೆ ನಾನು ಕರುಣ
ಸಿಂಧುವೆ ಪಾಲಿಸುನೀನು
ಮಂದಮತಿಯು ಜಡಜೀವನು ನಾನು ವಸುಂ
ಧರೆಯೊಳಗೆ ಸುಜ್ಞಾನಿಯು ನೀನು 1
ಕಾರಗತ್ತಲೆಯೊಳಗೆ ಏನೆಂದು ತೋರದೆ ತೊಳಲಿದ ಹಾಗೆ
ದಾರಿ ಕಾಣದೆ ಕಂಗಾಣದವಗೆ ಕೃಪೆ
ದೋರಿ ಸುಜ್ಞಾನ ದೀಪವ ತೋರೋ ಗುರುವೆ 2
ಸೊಕ್ಕಿನ ಮದದಿಂದ ಕಾಲವ
ಪುಕ್ಕಟೆಕಳೆದೆ ಯೋಗೀಂದ್ರ
ದುಃಖವೆನಿಪ ಸಂಸಾರ ಶರಧಿಯೊಳು
ಸಿಕ್ಕಿದೆ ಕಾಯೋ ಸದ್ಗುರು ದಿಗಂಬರನೇ 3