ದಾಸ ಸಂಚಯ alpha

ಒಟ್ಟು 1 ಕಡೆಗಳಲ್ಲಿ , 1 ದಾಸರು , 1 ಕೀರ್ತನೆಗಳಲ್ಲಿ ಈ ಪದವನ್ನು ಬಳಸಿರುತ್ತಾರೆ

ನಿರಂಜನ ಸ್ವಾನುಭವವ ಪಡೆದು ನೋಡು ಪ ಬಿಡು ದೇಹದಿ ಆತ್ಮಭಾನ ಪಡೆ ಗುರುವಿನ ದಿವ್ಯ ಜ್ಞಾನ ನುಡಿ ಮನಸಿಗೆ ನಿಲುಕದಿರುವ ಕಡೆ ಇಲ್ಲದ ಸ್ಥಿತಿಯ ನೋಡು ಒಡಲುಪ್ರಾಣಮನಾದಿಗಳು ಜಡವಾದವು ಎಂದು ತಿಳಿದು ದೃಢನಿಶ್ಚಯದಿಂದ ಕಳೆಯೆ ಕಡೆಗುಳಿಯುವ ಮೂಲರೂಪ 1 ಪರಮಾತ್ಮನ ನೋಡುವುದಕೆ ಹೊರಗೆಲ್ಲಿಯು ಹೋಗಬೇಡ ಭರಿತನವನು ವಿಶ್ವದಲ್ಲಿ ಇರನೆ ನಿನ್ನ ಹೃದಯದಲ್ಲಿ ಮರೆಯದೆ ಈ ನುಡಿಯ ಬೇಗ ಅರಿತುಕೊಳ್ಳು ನಿನ್ನ ರೂಪ ಪರಮಪದವ ಪೊಂದುವಿ ನೀ ಗುರುಶಂಕರನುಕ್ತಿಯಂತೆ 2
--------------
ಶಂಕರಭಟ್ಟ ಅಗ್ನಿಹೋತ್ರಿ
© 2014-2019 ಕನ್ನಡ ಸಂಚಯ | ಸಾಹಿತ್ಯ ಸಂಶೋಧನೆ ಹಾಗೂ ಅಧ್ಯಯನ ವೇದಿಕೆ