ಹ್ಯಾಗೆ ದೊರಕೀತು ನಿನ್ನ ಚರಣವು
ನಾಗಶಯನನೆನ್ನಂಥ ಪಾಪಿಗೆ ಪ
ನೀಗಿ ಹೋಯಿತು ಅರ್ಧವಯವು ಆಗಯೀಗಯಾ
ವಾಗಲೋ ಹೋಗುವುದು ದೇಹ
ಭೋಗದಾಸೆಯು ನೀಗವಲ್ಲದು ಎನಗೆ ಇನ್ನು ಅ.ಪ
ಮನದಕ್ಲೇಶವು ಕಡಿಯವಲ್ಲದು ನೀಚತನದ
ನೆನವು ಎನ್ನೊಳಳಿಯವಲ್ಲದು ಸಾಚನಾಗಿ
ನಿನ್ನ ಧ್ಯಾನದಿ ಮನವುಯೆಂಬುದು ಕ್ಷಣವು ನಿಲ್ಲದು
ಕ್ಷಣವು ಬಿಡದೆ ಅನ್ಯರೊಡವೆಯ
ಮನದೊಳನುದಿನ ನೆನೆದು ನೆನೆದು
ಘನ ಪಾಪಾತ್ಮನಾಗಿ ಚರಿಸುವೆ
ಜ್ಞಾನ ಬಾರದು ಎನಗೆ ಇನ್ನು 1
ಒಡವೆವಸ್ತ್ರದ ಆಸೆ ಬಿಡವಲ್ಲದು ಪಾಪಿಮನವು
ಮಡದಿ ಮಕ್ಕಳ ಮಮತೆ ತೊರೀವಲ್ಲದು ಒಡನೆ ತಿಳಿದು
ಕೆಡುವ ಕಾಯದ ಮೋಹ ಮರೀವಲ್ಲದು ಜಡಮತಿಯು ಬಿಡದು
ಎಡರು ಪ್ರಪಂಚ ತೊಡರಿನೊಳು ಮನ
ವಡರಿ ಬಿಡದಲೆ ಮಿಡುಕಿ ಮಿಡುಕಿ
ಕಡೆಯುಗಾಣದೆ ಕಷ್ಟಬಡುತಿಹೆ
ಬಿಡದು ವಿಷಯದಾಸೆ ಎನಗೆ 2
ದಾಸಜನ ವ್ಯಾಸಂಗ ಮೊದಲಿಲ್ಲ ಪಾಪಿಜನುಮ
ದೋಷಗುಣಗಳು ಒಂದುಬಿಟ್ಟಿಲ್ಲ ಒಡನೆನುಡಿದ
ಭಾಷೆಗಳನು ತಿಳಿದು ನಡೆಸಿಲ್ಲ ಆಸೆ ಹರಿದಿಲ್ಲ
ನಾಶಮಾಡಿತು ಹೇಸದಲೆ ಇನ್ನು
ಮೋಸಗಾರನ ಪೋಷಿಸುವುದು
ಶ್ರೀಶ ಶ್ರೀರಾಮ ನಿನಗೆ ಕೂಡಿತು 3