ಉದಯಕಾಲದೊಳೆದ್ದು ಗೋಪಿಯು
ದಧಿಯ ಮಥಿಸುವ ಎಂಬ ಸಮಯದಿ
ಉದರಗಣ್ಣನು ಎದ್ದು ತೊಟ್ಟಿಲೊಳ್
ತೊದಲು ನುಡಿಗಳಿಂ ಕರೆದ ತಾಯಿಯ 1
ನುಡಿಯ ಲಾಲಿಸಿ ನಳಿನನೇತ್ರನು
ಕರೆದ ಹಾಲನು ಕೊಡುವೆನೆಂದರೆ
ಕೊಡುವೆನೆಂದರೆ ಕಣ್ಣಮುಚ್ಚನು
ಒಡನೆ ಮಲಗುವ ಮಲಗದೇಳುವ 2
ನಿದ್ರೆ ತೀರದೆ ನೀ ಎದ್ದ ಕಾರಣ
ಬುದ್ಧಿ ಸಾಲದು ಮುದ್ದು ಮಗುವಿಗೆ
ಒದ್ದು ಕೆಲಸವ ತಿದ್ದಿ ಉನ್ಮತ
ಅಮ್ಮ ಬಾರೆಲೆ ಎನ್ನಗಲಬೇಡವೆ 3
ಗುಮ್ಮ ಬರುತದೆ ಗುಸುಗುಸೆನುತದೆ
ಶ್ರೀದವಿಠಲನಾ ಶ್ರೀಲತಾಂಗಿಯು
ಮೋದಪಡಿಸುವ ಮಾನವೀಯಳೇ
ವೇದಗೋಚರ ನೀ ಏಳಬೇಡವೋ
ಪಾದಕೆರಗುವೆ ಪವಡಿಸೆಂದಳು 4