ನೀರೇ ದÉೂೀರೆ ದೋರೆ ರಂಗನಾ|
ಕರೆ ತಾರೇ ಮುನಿಜನ ಸಂಗನಾ ಪ
ಶರಣ ರಕ್ಷಕ ನೆಂಬೋ ಬಿರುದವ ಸಾರಲು |
ಮೊರೆಯಾ ಹೊಕ್ಕೆನು ಕೇಳಿ ಬಂದುನಾ1
ಜ್ಞಾನ ಭಕುತಿಗಳ ಏನೇನರಿಯದ |
ಮಾನಿನಿ ನೋಡುವರೇ ಅವಗುಣಾ 2
ಗುರುಮಹಿಪತಿ ಸುತ ಪ್ರಭು ಕರುಣಾಕರ |
ನೆನದನು ಮೊರೆಕೇಳಿ ಇಂದಿನಾ 3

ಸಂತಚರಿಯ ಗೂಢಾ | ತಿಳಿಯದು |
ಭ್ರಾಂತರಿಗಿದು ನೋಡಾ ಪ
ವೇಷವ ಸಂತರು ದೋರುವದಿಲ್ಲಾ |
ಆಶಾಪಾಶಕ ಶಿಲಕುವರಲ್ಲಾ 1
ಹೊರಗಾಚರಿಯು ಲೋಕದ ಸರಿಯಾ |
ಇರುತಿಹ ಏನೇನರಿಯದ ಪರಿಯಾ 2
ವಿಷಯ ರೂಪವ ಬ್ರಹ್ಮ ಭಾವನೆ ಬಗೆವಾ |
ಪರಿ ಕೇಡಿಹ ಜಗವಾ 3
ತೋರನು ವಾಗ್ವಿಸ್ತಾರ ಬಹಳಾ |
ಮೀರಿನೆರಿಹಿಕೊಳ್ಳ ಡಿಂಗರ ಮೇಳಾ 4
ದಾವ ಮಾನವರೆಂದು ಸಂತರ ತಿಳಿವಾ |
ರವರವ ನರಕದ ಕುಂಡದಲಿಳಿವಾ 5
ಕೋಟ್ಯಾನುಕೋಟಿಗೊಬ್ಬಿಹನು ಸಾಧು |
ಸಾಟಿಲ್ಲವರಿಗೆ ಧರಿಯೊಳಗಿಂದು 6
ಮಹಿಪತಿನಂದನ ಪ್ರಭುವಿನ ದಯವಿನಾ |
ಮಹಿಮೆಯ ತಿಳಿಯದು ಹೇಳಲಿನ್ನೇನಾ 7