ಗುರುರಾಯನಂಥ ಕರುಣಾಳು ಕಾಣೆನು ಜಗದೊಳಗೆ ಪ
ಏನೆಂದರಿಯದ ಪಾಮರ ನಾನು |
ತಾನೊಲಿದೀಗೆನ್ನ ನುದ್ಧರಿಸಿದನು1
ತನ್ನನುಭವ ನಿಜ ಮಾತಿನ ಗುಟ್ಟು |
ಎನ್ನೊಳುಸುರಿ ಘನ ತೋರಿಸಿ ಕೊಟ್ಟು |
ಧನ್ಯನ ಮಾಡಿದಸೇವೆಯಲಿಟ್ಟು 2
ಮಾಡುವ ಘನ ತುಸು ತಪ್ಪನೆ ಹಿಡಿಯಾ |
ಬೇಡಿಸಿಕೊಳ್ಳದೆ ನೀಡುತ ಪಡಿಯಾ |
ರೂಢಿಗಾದನು ಇಹಪರದೊಡೆಯಾ3
ತನ್ನವನೆನಿಸಿದ ಮಾತಿಗೆ ಕೂಡಿ |
ಮನ್ನಣೆಯಿತ್ತನು ಅಭಯವ ನೀಡಿ |
ಇನ್ನೇನ ಹೇಳಲಿ ಸುಖ ನೋಡಿ4
ತಂದೆ ತಾಯಿ ಬಂಧು ಬಳಗೆನಗಾಗಿ |
ನಿಂದೆ ಸದ್ಗುರು ಮಹೀಪತಿ ಮಹಾಯೋಗಿ |
ಕಂದನ ಸಲಹುವ ಲೇಸಾಗಿ5