ನಿಂದಿಸಿದ್ದು ಕುಂದಾದದ್ದೇನೊ
ಮಂದಮತಿಗಳು ನಿಂದು ಸುಜನರಿಗೆಲ್ಲ ಪ.
ಅಂದನುವಾಗಿಲ್ಲೆ ಇಂದಿರೇಶನು
ಮಂದಗಮನೆ ದ್ರೌಪದಿಗೆ ಅ.ಪ.
ಕಂದನೆಂದು ಕೌರವನ ಸೇವೆಗೆ ಆ
ನಂದದಿಂದ್ಯವರ ಬೇಡೆಂದ ಮುನಿ
ಬಂದರತ್ನವ ಬಿಟ್ಟನ್ನವ ಬೇಡಿಬಾರೆನೆ
ಇಂದು ಮುಖಿ ಕೈಯಿಂದಿಡಿಸಿದ ಕೃಷ್ಣ 1
ಖಡ್ಗ ತೋರಿ ಬಳ ಪ್ರಹ್ಲಾದನಂಜಿಸೆ
ಗುಡ್ಡ ಪೊತ್ತ ನರಹರಿಯಾಗ
ಹೆಡ್ಡನೆ ತೋರುವೆನೆಂದು ಕಂಬದಿ
ದೊಡ್ಡ ಮೃಗರೂಪದಲಂಜಿಸಿದ 2
ತೊಡೆಯನು ಬಿಡು ಎನುತೊಡನೆ ನೂಕಲು
ಪೊಡವಿಯಲ್ಲಿಹುದು ನಡೆ ಬಾಲಕನೆನೆ
ಕಡುಭಯದಲಿ ಧೃವ ಒಡನೆ ಹರಿಯ ಪಾದ
ಬಿಡದೆ ಧ್ಯಾನಿಸೆ ದೃಢವರವಿತ್ತ ಹರಿ (ಕಡೆ ಹಾಯಿಸಲು) 3
ಕರಿಯ ಕಂಬದ ತೆರದಿ ನಿಲಿಸೆ ನಕ್ರ
ಪೊರೆದವನಾರೋ ಹರಿಯಲ್ಲದೆ
ಶರಣಾಗತ ಚಿಂತಾಮಣಿ ಎನೆ ಕರಿ
ಪರಿದು ಚಕ್ರನಿ ನಕ್ರನ ಬೇಗ 4
ಏಕಾದಶಿವ್ರತ ಏಕಭುಕ್ತನ ನೀರೆಡಿಸೆ
ಮಾನುನಿ ಬರಲು ಹರಿತಾ ಕರುಣಿಪನೆಂದು
ತರಳನ ಶಿರಕೆ ಕೈಹಾಕೆ ಶ್ರೀ ಶ್ರೀನಿವಾಸನ
ಸುತತಾ ಕರುಣಿಸಿದ 5