ದಯವಾಗೋ ದಯವಾಗೋ ಪ
ಹಯಮುಖ ಭಯಕೃದ್ಭಯನಾಶನ ಹರಿ ಅ
ದ್ರೌಪದಿ ಮೊರೆ ಕೇಳ್ಯಾಪದ್ಬಾಂಧವ
ನೀ ಪೊರೆದಯ್ ರಮಾಪತಿ ನಿರುತ 1
ಖರಮುರ ನರಕಾದ್ಯರ ಸಂಹರಿಸಿದೆ
ಪರಮ ಪುರುಷ ಸಂಹರಭವಹರನೆ 2
ಶತ್ರುತಾಪಕ ಜಗತ್ರಯ ವ್ಯಾಪ್ತ ಪ
ವಿತ್ರ ಪಾಣಿ ಸರ್ವತ್ರದಿ ಎಮಗೆ 3
ಎಷ್ಟೆಂದುಸುರಲಿ ದುಷ್ಟಜನರು ಬಲು
ಕಷ್ಟ ಬಡಿಪ ಬಗೆ ಜಿಷ್ಣು ಸಾರಥಿಯೆ 4
ಗೋಭೂಸುರರಿಗೆ ಭೂಭುಜರ ಭಯ ಪ
ರಾಭವಗೈಪುದು ಶ್ರೀ ಭೂರಮಣನೆ 5
ಅಪ್ರಮೇಯ ನೀ ಕ್ಷಿಪ್ರದಿ ಒಲಿದು ಜ
ಯಪ್ರದನಾಗು ಸುಪ್ರಹ್ಲಾದವರದನೆ 6
ಯಾತಕೆ ಎಮ್ಮನು ಭೀತಿಗೊಳಿಪೆ ಪುರು
ಹೂತವಿನುತ ಜನಗನ್ನಾಥವಿಠ್ಠಲಾ 7