ಎಲ್ಲಿ ನೋಡಲು ನೀನಂತೆ ನೀ
ನಿಲ್ಲದಿಹ್ಯ ಜಗವಿಲ್ಲಂತೆ ಪ
ಅಲ್ಲಿ ನೋಡಲು ನೀನಂತೆ
ಇಲ್ಲಿ ನೋಡಲು ನೀನಂತೆ
ತುಂಬಿ ಬೆಳಗುವ
ಬಲ್ಲಿದ ಹರಿ ಸರ್ವೋತ್ತಮನಂತೆ 1
ಕ್ಷೇತ್ರ ತೀರ್ಥವೆಲ್ಲ ನೀನಂತೆ ಮಹಾ
ಯಾತ್ರೆ ಫಲಂಗಳು ನೀನಂತೆ
ಧಾತ್ರಿ ಈರೇಳಕ್ಕೆ ಸೂತ್ರಧಾರಕನಾದ
ಸ್ತೋತ್ರಕ್ಕೆ ಸಿಲುಕದ ಮಹಿಮನಂತೆ 2
ಕಲ್ಲು ಮುಳ್ಳು ಎಲ್ಲ ಬಿಡದಂತೆ ದೇವ
ಎಲ್ಲದರೊಳು ಬೆರೆತಿರುವ್ಯಂತೆ
ಅಲ್ಲಿ ಮಲ್ಲ ಬೀರ ನೀನಂತೆ ಜಗ
ವೆಲ್ಲವು ಶ್ರೀರಾಮಮಯವಂತೆ 3

ಮುಖತೋರು ನೀ ಶ್ರೀಕೇಶವಾ ಪ
ಸುಖತೋರೆ ಯೇಕೈ ಅಕಳಂಕರೂಪ
ಸಕಲಾತ್ಮನೆ ಸತ್ಯಸಾರ ನಿಧಿ[ಯೆ] ಅ.ಪ
ಎಲ್ಲದರೊಳು ಹುಡುಕಿ ಎಲ್ಲವು ನೀನೆಂದು
ಬಲ್ಲನಾದೆನಯ್ಯ ಬಲವಂತ ನೀನೇ
ನಿಲ್ಲದೆನ್ನ ಮನವ ನಿಲಿಸುನಿನ್ನೊಳ್ ಶ್ರೀ
ವಲ್ಲಭಾ ಜಾಜೀಶಾ ಫುಲ್ಲಲೋಚನಾ 1