ಕುಂಟೆ ಹೊಡೆಯೊ ಜಾಣ ಅದನೋಡಿ
ಕುಂಟೆ ಹರಗೋ ಜಾಣ ಪ
ಕುಂಟೆ ಹೊಡ್ಸೋನಾಗಿ ಕಂಟಿಕಡಿದು ನೀ
ಎಂಟೆತ್ತುಗಳ ಹೂಡಿ ಮಂಟಪದ್ಹೊಲವನ್ನುಅ.ಪ
ಅರಿವೆಮಡಿಕೆಹೊಡೆಯೊ ಮರವ್ಯೆಂಬ
ಕರಿಕಿದಡ್ಡನಳಿಯೊ
ಶರಣೆಂಬಗುದ್ದಲ್ಹಿಡಿಯೊ ಗರುವೆಂಬ
ದುರಿತಕರುಣಗಳಗಿಯೊ
ತೆರಪಿಲ್ಲದ್ಹೇಳುತ ಜರಾಮರಣೆಂಬ ಕಸ
ಕರುಣೆಂಬ ಮಾಗಿ ಮಡಿ ಮಾಡಿ ಭರದಿ ಹಸನಮಾಡು 1
ಧ್ಯಾನ ದಾಸರಸೇವೆಯೆಂದೆಂಬುವ
ಖೂನ ಮಾಡೆಲೊ ಬದುವ
ದಾನಧರ್ಮಯೆಂಬುವ ಸತತದಿ
ಹನಿಸು ಗೊಬ್ಬರವ
ಜ್ಞಾನಿಸಂಗವೆಂಬ ಜಾಣಬೆದೆಗಾಲದಿ
ಜ್ಞಾನಕೂರಿಗೆಯಿಂದ ಧ್ಯಾನಬೀಜವ ಬಿತ್ತು 2
ಮನನೆಂಬಬೆಳೆ ಕಾಯೋ ನಿಜವಾದ
ನೆನೆವೆಂಬರ ಕವಣ್ಹಿಡಿಯೊ
ಮನಚಂಚಲ್ಹಕ್ಕ್ಹೊಡೆಯೊ
ಶಾಂತಿಸದ್ಗುಣವೆಂಬ ಫಲ ಪಡೆಯೊ
ಘನತರ ದೃಢವೆಂಬ ಧಾನ್ಯರಾಸಿಮಾಡಿ
ವನಜಾಕ್ಷ ಶ್ರೀರಾಮನೊನರುಹಕರ್ಪಿಸು 3