ಕುಲಕೆ ತಕ್ಕ ಸ್ವರೂಪ ಚಲುವಿಗೊಪ್ಪುವ ವಿದ್ಯೆ
ಕಲೆಗೆ ಸಲ್ಲುವ ಸುಗುಣ ಭಳಿರೆ ನಿಪುಣ
ಕಿರುಕುಳದೆ ಕೈ ನೀಡಿ ಕರೆಕರೆಯ ತಂದೊಡ್ಡಿ
ಹರಿಸವಾನುವಮೋಡಿ ವರನಗಾಡಿ
ಜೂಜುಗಾರರಿಗೆರೆಯ ಮೋಜಿನೋಳ್ ಸಮನರಿಯ
ಸೋಜಿಗಂ ಮಿಗೆತೋರ್ಕುಮಿನಿತುಸೊರ್ಕು
ನಿಶಿಚರಾಂತಕನೆನುವ ಪೆಸರಾಂತುಮೀತೆರದ
ವಿಷಮವರ್ತನದಿ ಸಂತಸವ ಪಡುವ
ಪರಿಯಿದಚ್ಚರಿಯಾಗಿ ತೋರ್ಕುಮೆನಗೆ
ಪರಿಪರಿಯ ಚಿಂತೆಗಾಕರಮಿದಾಗೆ
ಉರಿಯುತಿಹುದೀಬಗೆಯೊಡಲ ಬೇಗೆ
ವರ ಶೇಷಗಿರೀಶನೆ ಶರಣನೆನಗೆ