ಕೃಪೆ ಮಾಡೋ ಕೃಷ್ಣ ಕೃಪೆಮಾಡೋ
ತಪ್ಪದೆ ಪ್ರಾತಃ ಸಂಜೆ ನಿನ್ನ ಸ್ತುತಿ ಮಾಡುವಂತೆ ಪ
ಚಂದ್ರಹಾಸನಂತೆ ವ್ರತ ಮಾಡಲರಿಯೆ
ಅಂದಿನ ಧ್ರುವನಂತೆ ತಪಗೈಯಲಾರೆ
ಕಂದ ಪ್ರಹ್ಲಾದನಂತೆ ಬಿಡದೆ ನುತಿಸಲಾರೆ
ಸಂದ ನಚಿಕೇತನಂತೆ ಮೃತ್ಯುಗೆಲ್ಲಲರಿಯೆ 1
ಕರಿರಾಜನಂತೆ ಕೂಗಲರಿಯೆನೋ
ಗರುಡನಂತೆ ಸದಾ ಹೊತ್ತು ತಿರುಗಲಾರೆ
ಮರುತಜನಂತೆ ಭಂಟನಾಗಲರಿಯೆ
ಉರಗರಾಜನಂತೆ ಶಯನಕಾಗಲಾರೆ 2
ದ್ರೌಪದಿಯಂತೆ ಅತ್ತು ಮೊರೆಯಿಡಲಾರೆ
ರೂಪೆ ಭಾಮೆಯಂತೆ ಬಲು ಮೋಹಿಸಲಾರೆ
ಆಪಾಟಿ ಸಖನಾಗರಿಯೆನು ಮಕರಂದನೊಲು
ವಿಪ್ರನಾರಾಯಣನಂತೆ ಭಕ್ತಿಯರಿಯೆನೊ ಹರಿಯೆ 3
ಜಾಜಿಪುರೀಶ ನಿನ್ನ ಚರಣ ಸೇವೆಯ ಕೊಡೊ
ಸಾಜದಿ ಮಾಡುವೆ ತಿಳಿದಂತೆ ಪಾಮರನು 4

ಜೋಜೋಜೋ ಬಾಲ ಮುಕುಂದಾ |
ಯೋಗಿ ಹೃದಯಾನಂದ |
ಜೋಜೋ ನಮ್ಮ ಗೋಪಿಯ ಕಂದಾ |
ಜೋಜೋ ಗೋಪಾಲ ಗೋವಿಂದಾ | ಜೋ ಜೋ ಪ
ಉರಗರಾಜನ ಹಾಸಿಗೆ ಮೇಲೆ |
ಶಿರಿದೇವಿ ಕೈಯಲಿ ಶೇವೆಯ ಕೊಳ್ಳುತಲಿ |
ಭರದಿ ನಾರದ ಗಾಯನದಲಿ | ಇಂಥಾ |
ಮೆರೆವ ಯೋಗದ ನಿದ್ರೆಯಲೀ || ಜೋಜೋ 1
ಆದನೆಲ್ಲವ ಬಿಟ್ಟು ಶ್ರೀಹರಿ |
ವಿದಿತ ಬಾಲಕ ವೇಷವದೋರಿ |
ಪುದುಳದಿಂದಲಿ ತೊಟ್ಟಿಲ ಸಾರಿ |
ಮುದದಲ್ಲಾಡುವ ಸುರ ಸಹಕಾರಿ || ಜೋಜೋ 2
ಏನು ಪುಣ್ಯವೋ ಗೋಕುಲ ಜನರ |
ಶ್ರೀ ನಂದಾತ್ಮಜ ನಾದವಿನೋದಾ |
ಧ್ಯಾನ ಮೌನಕೆ ಗೋಚರಪಾದ | ಮಹಾ |
ದಾನಿ ಮಹೀಪತಿಸುತ ಪ್ರಿಯನಾದಾ | ಜೋ ಜೋ 3