ಇದು ಎಂಥ ಸವಿ ಇಹ್ಯದು ಶ್ರೀಹರಿ ನಾಮ
ಮಧುಗಿಂತ ಮಧುವಿಹ್ಯದು ಪ
ಅಧಮ ಮನಸೇ ನೀನು ಸ್ವಾದ ಸವಿದುನೋಡೋ
ಅಧಿಕ ಅಮೃತಕಿಂತ ಮಾಧುರ್ಯ ತುಂಬಿಹ್ಯದು ಅ.ಪ
ಸುಧೆಗಿಂತ ಸುಧೆಯಿಹ್ಯದು ಮೃಷ್ಟಾನ್ನದ
ಮೃದುಗಿಂತ ಮೃದುವಿಹ್ಯದು
ವದನದೊಳಿಟ್ಟರೆ ವಿಧವಿಧದ್ಹಸುತೃಷೆ ಸದೆದು
ಸದಮಲಸುಖ ಒದಗಿಸಿ ಕೊಡುವುದು 1
ಶುಚಿಗಿಂತ ಶುಚಿಯಿಹ್ಯದು ಹೆಚ್ಚಿಗೆ ಹೆಚ್ಚು
ರುಚಿಗಿಂತ ರುಚಿಯಿದ್ಯದೋ
ಉಚ್ಚಿಷ್ಟರಾಗದೆ ಬಚ್ಚಿಟ್ಟು ಸುರಿವರ್ಗೆ
ನಿಶ್ಚಲಸುಖಪದ ಮೆಚ್ಚಿ ತಾ ಕೊಡುವುದು 2
ಶಾಶ್ವತಸುಖವೀಯ್ವುದೋ ಭವರೋಗ
ಕೌಷಧ ಮಾಗಿಹ್ಯದೋ
ದಾಸಜನರಿಗನುಮೇಷ ಸವಿಯುದೋರಿ
ಪೋಷಿಸುತಿರುವುದು ಶ್ರೀಶ ಶ್ರೀರಾಮನಾಮ 3