ಭಕ್ತನಾಗೋ ಹರಿಗೆ ಓ ಮನುಜ ಪ
ನಾಲಗೆಯಲಿ ಶ್ರೀಲೋಲನ ನಿಜಗುಣ
ಜಾಲವ ಕೊಂಡಾಡೋ ಓ ಮನುಜ 1
ಮಾನಸದಲಿ ಸದಾ ಜಾನಕಿ ರಮಣನ
ಧ್ಯಾನವ ಮಾಡುತಿರೋ ಓ ಮನುಜ2
ಕರಯುಗಳಗಳಿಂ ವರಗೋಪಾಲನ
ಚರಣ ಪೂಜೆಮಾಡೋ ಓ ಮನುಜ 3
ರವಿಕುಲ ತಿಲಕನ ಸುವಿಮಲ ಚರಿತೆಯ
ಕಿವಿಯಲಿ ಕೇಳುತಿರೋ ಓ ಮನುಜ4
ಶ್ರೀಹರಿಯ ಜಗನ್ಮೋಹನ ಮೂರ್ತಿಯ
ಊಹಿಸಿ ನೋಡುತಿರೋ ಓ ಮನುಜ 5
ಶಾಸ್ತ್ರ ಸಿದ್ಧವಹ ಕ್ಷೇತ್ರತೀರ್ಥಗಳ
ಯಾತ್ರೆಯ ನೀಮಾಡೋ ಓ ಮನುಜ 6
ಶ್ರೀಶಗರ್ಚಿಸಿದ ಸುವಾಸಿತ ತುಲಸಿಯ
ನಾಸಿಕದಲಿ ಮೂಸೊ ಓ ಮನುಜ7
ಸಾಧುಜನಗಳಿಗೆ ಮೋದವೀವ ಶ್ರೀ
ಪಾದಗಳಿಗೆ ನಮಿಸೋ ಓ ಮನುಜ 8
ಭೋಗಿಶಯನಗನುರಾಗದಿಂದ ಶಿರ
ಬಾಗಿ ಸತತ ನಡೆಯೋ ಓ ಮನುಜ 9
ಈಜಗದಲಿ ತಾ ಜಾಜಿ ಶ್ರೀಶನು
ರಾಜಿಪುದನು ಕಾಣೋ ಓ ಮನುಜ 10