ಹೆಂಡತಿ ನೋಡಣ್ಣ ಈಕಿನ
ನ್ನ್ಹೆಂಡತಿ ನೋಡಣ್ಣ ಪ
ಮಂಡೆಮುಸುಕು ತೆಗೆದ್ಹಿಂಡುಜನರ ಮುಂದೆ
ಬಂಡುಮಾಡಿ ಎನ್ನ ಬೈಲಿಗೆ ತರುವಳು ಅ.ಪ
ಕಂಡದ್ದು ಬೇಡುವಳು ತರದಿರೆ
ಗಂಡನಲ್ಲೆಂಬುವಳು
ತಿಂಡಿಗಾಗಿ ಎನ್ನ ಕಂಡವರ ಕಾಲ್ಹಿಡಿಸಿ
ಮಿಂಡೆ ಭಂಡ 1
ಮಾತುಮಾತಿಗಿವಳು ಎನ್ನನು
ಕೋತ್ಯಂತೆ ಕುಣಿಸುವಳು
ಸೋತೆನೆಂದ್ಹೇಳುತ ಪಾತಕದ್ಹಾಕೆನ್ನ
ನೀತಿಗೆಡಿಸುವಳು ಭೀತಿಲ್ಲದ 2
ಒಯ್ಯಾರ ಮಾಡುವಳು ಬೈದರೆ
ಬಾಯಿ ತೆರೆದಳುವಳು
ಬಾಯಿ ಮುಚ್ಚೆಂದರೆ ಕೈಬಿಟ್ಟೋಡ್ವಳು
ದಾಯಾದಿಗಳು ಮುಂದೆ ಹೊಯ್ಮಾಲಿ 3
ತೊಡರು ಬಿಡಳು ಒಡಲಿನ
ಕೆಡಕುಗುಣವ ಕಡಿಯಳು
ಅಡಿಗಡಿಗೆನ್ನನು ದುಡುಕು ನುಡಿದು ಮನ
ಮಿಡುಕಿಸುವಳು ಬಾಯ್ಬಡಕಿ ಬಿಡಿಕಿ 4
ಒದಗಿಸಿ ನಾಂ ತರಲು ಅದರೊಳು
ಕದಿದರ್ಧ ತಿನ್ನುವಳು
ಪದುಮನಾಭ ನಮ್ಮ ಸದಯ ಶ್ರೀರಾಮನ
ಪಾದ ಕೃಪೆಯ ಪಡೆಯದಧಮ 5