ಹರಿ ನಿಮ್ಮ ಮಹಿಮೆ ಅರಿಯರಾರಾರು
ನರ ಮನುಜರ ಪಾಡೇ
ಸುರಮುನಿಗಳೆ ನಿನ್ನರಸಿ ಕೊಂಡಾಡಲು
ದೊರೆಯದಿರುವಿ ಘನ ಪರತರಮಹಿಮ ಪ
ದುಷ್ಟರ ಶಿಕ್ಷಿಸಿ ಶಿಷ್ಟರ ಪೊರೆಯುತ
ಸೃಷ್ಟಿಗೊಳಿಸುತಿರುವಿ
ಇಷ್ಟಭಕುತರ ಕಷ್ಟ ನಿವಾರಿಸಿ
ಇಷ್ಟಪೂರೈಸುತಿರುವಿ
ನಿಷ್ಠೆಯಿಂದ ಮನಮುಟ್ಟಿಭಜಿಪರನು
ಬಿಟ್ಟಗಲದೆ ದೃಷ್ಟಿಯಿಂ ನೋಡುವಿ 1
ಲಾಷೆಯ ನೀಡುತಲಿ
ಘಾಸಿ ಮಾಡದೆ
ದೋಷರಾಶಿಯ ಕಳೆಯುತಲಿ
ಪೋಷಿಸಿ ತ್ರಿಜಗದೀಶನೆ ಈ ಭವ
ಪಾದವ ಖಂಡಿಸಿ ವಾಸುಕಿಶಯನ 2
ಮನಸಿಜಾರಿಯಂ ಘನಸಂಕಟದಿಂದ
ಕನಿಕರದಿಂ ಕಾಯ್ದಿ
ದನುಜಕುಲವನು ಹಣಿದು ಸುರರಿಗೆ
ಘನಸೌಖ್ಯವನ್ನಿತ್ತಿ
ತನುಮನ ಧನದಿಂ ನೆನೆಯುವ ಭಕುತರ
ನೆನವಿಗೆ ಸಿಲುಕದಿ ಚಿನುಮಯ ರಾಮ 3