ಭಜಿಸಿ ಧನ್ಯನಾದೆ ನಾನು
ಭುಜಗಶಯನನಂಘ್ರಿಯನ್ನು ಪ
ಕುಸುಮ ತರಲು ಸರಸಿಧುಮುಕಿ
ಮೊಸಳೆಬಾಯಿಗೆ ಸಿಲುಕಿ ಕರಿಯು
ಕಂಟಕ ಗೆಲಿದು
ಅಸಮಸೌಖ್ಯ ಪೊಂದಿದ್ದು ಕೇಳಿ 1
ಪಾಪಿ ಕುರುಪನೋಲಗದಲ್ಲಿ
ದ್ರೌಪದಿಗೊದಗಿಬರಲು ಭಂಗ
ಆಪತ್ತು ಗೆಲಿದಳೆಂಬುದ ಕೇಳಿ 2
ಇಳೆಯೊಳ್ಪತಿಯ ಶಾಪದಿಂದ
ಶಿಲೆಯ ರೂಪದಿ ಬಿದ್ದ ಯುವತಿ
ಗೊಲಿದು ಪಾವನಾಂಗಿಯೆನಿಸಿ
ಕುಲಕೆ ತಂದ ಸುದ್ದಿ ಕೇಳಿ 3
ತ್ಯಜಿಸಿ ತನ್ನ ಬ್ರಹ್ಮಕುಲವ
ಕುಜಕುಲದ ನಾರಿಗೆ ಕೆಟ್ಟ
ಅಜಮಿಳನ ಅಂತ್ಯಕ್ಕೆ ಒದಗಿ
ನಿಜಪದವಿ ನೀಡಿದ್ದು ಕೇಳಿ 4
ಅಂಬುಧಿನಿಲಯ ಅಸಮ ಮಹಿಮ
ಕಂಬುಕಂಧರಮಿತ್ರ ಭಕುತ
ಬೆಂಬಲ ಶ್ರೀರಾಮ ಪ್ರಭುವೆ ನಿನ್ನ
ನಂಬಿದವರ ಸಂಭ್ರಮ ಕೇಳಿ 5