ಪರಮ ಸಾಹಸವಂತ ಧೀಮಂತ ಹನುಮಂತ ಪ
ಸರಸರನೆ ತಾ ಬೆಳೆದ ತಾ ಮುಗಿಲ ಪರ್ಯಂತ ಅ.ಪ.
ಇಳೆಯಿಂದ ನಭವ ಪರಿಯಂತವೇಕಾಕೃತಿಯು
ಬೆಳಗುತಿರೆ ನೋಡಲತಿ ಚೋದ್ಯವು
ವಿಲಸಿತದ ವಿಂಧ್ಯಗಿರಿಯಂತೆ ಶೋಭಿಸಿತು
ಫಲಗುಣಾಗ್ರಜ ನೋಡಿ ಬೆÉರಗಾಗುತಿರಲು 1
ಪಿಂಗಾಕ್ಷಿಗಳು ದಿಕ್ತಟಂಗಳನು ಬೆಳಗುತ್ತ
ಕಂಗೊಳಿಸುತಿರ್ದುದಾ ಸಮಯದಿ
ಶೃಂಗಾರ ಕಾಂತಿಯಿಂ ತುಂಗವಿಕ್ರಮನ ಉ
ತ್ತುಂಗ ದೇಹವು ದಿವ್ಯರಂಗು ಒಡೆದೆಸೆಯೆ 2
ಶರಧಿಶತಯೋಜನ ನೆರೆದಾಂಟಿದಾ ದೇಹ
ಅರಿಭಯಂಕರ ದೇಹ ಗುರುತರದ ದೇಹ
ಕರಿಗಿರೀಶನ ಚರಣ ಸರಸೀರುಹ ದ್ವಂದ್ವ
ಪರಿಚರ್ಯಕ್ಕನುವಾದ ಪರಮದೇಹವಿದೆನಲು 3

ಸಾಕು ಸ್ವಾಮಿ ಲೋಕವಾಸವು ಪ
ಬೇಕು ನಿಮ್ಮ ಚರಣಸೇವೆ
ಲೋಕದಿಂದ ಪಾರು ಮಾಡೆನ್ನ ಅ.ಪ
ಕಷ್ಟದಿಂದಿನ್ನು ಜೀವಿಸಲು ನಾ
ನೆಷ್ಟು ಪಾಪವ ಮಾಡುವೆನೊ
ಇಷ್ಟೆ ಸಾಕಯ್ಯ ಕಷ್ಟನಿವಾರ
ಸೃಷ್ಟಿಯಿಂದೆನ್ನ ಪಾರುಮಾಡೊ 1
ಹಲವು ಭ್ರಾಂತಿಗಳಲಿ ನಾನು
ತೊಳಲಿಬಳಲಿ ಚಲನೆಗೆಡುತ
ದುರಿತ ಸಾಕೈ
ಇಳೆಯಿಂದೆನ್ನನು ಗೆಲಿಸು ದೇವ 2
ಸಕಲವಿಧದಿ ದು:ಖರೂಪ
ಕಾಕುಸಂಸಾರ ಬಲು ತಾಪ
ಭಕುತಜನಪ್ರಿಯ ಮುಕ್ತಿಸೋಮ
ಮುಕುತಿ ಕರುಣಿಸು ನಿರುತ ಶ್ರೀರಾಮ 3