ಸ್ಮರಿಸಿ ಸುಖಿಸೊ ನರನೆ - ಗುರುರಾಯರನನುದಿನ ಪ
ಶರಣು ಜನರ‌ಘ ತರಿದು ಕರುಣದಿ
ಚರಣ ಸರಸಿಜ ಹರುಷದಿಂದಲಿ ಅ.ಪ
ನಳಿನ ಬಾಂಧವ ಕುಲದಿ ಅವತಾರ ಮಾಡಿದೆ
ಇಳಿಜರಮಣನಾಜ್ಞದಿ ಕಲಿಯುಗದಿ ದ್ವಿಜರನು
ಸಲಹಲೋಸುಗ ಜಗದಿ ಜನಿಸಿ ಗುರುಗಳ ||
ವಲಿಮೆಯನು ತಾಪಡೆದು ಕೊರಳಲಿ
ತುಲಸಿ ಮಾಲೆಯ ಧರಿಸಿ ಹರಿಯನು
ವಲಿಸಿ ಥಳ ಥಳ ಪೊಳೆವವ ಸ್ತಂಬದಿ
ಕುಳಿತ ಶ್ರೀರಂಗವಲಿದ ದಾಸರ 1
ಮಾನಿನಿಯಳ ಮಾನರಕ್ಷಿಸಿದೆ ಶ್ರೀ ಪವ
ಮಾನನಯ್ಯನ ಕರುಣವನು ಪಡೆದು ಸ್ತುತಿಸಿದಿ
ವನು ಪಾಲಿಸಿ ಗುರು ಭವ
ಕಾನನಕೆ ಕೃಶಾನುವೆನಿಸಿದ
ಮಾನವಿ ಪುರ ನಿಲಯರನು
ಅನುಮಾನವಿಲ್ಲದೆ ಮಾನಸದಿನೀ 2
ಶ್ರೀಮಧ್ವಾಚಾರ್ಯ ಸುಮತ ಶರಧಿಗೆ ಹಿಮ
ಧಾಮನೆನಿಸಿ ನಿರುತ ಸೇವಿಪರಿಗೆ
ಕಾಮಿತಾರ್ಥಗಳಿಗೆ ತ್ವರಿತ ನೀಡಿ ಶಿರಿವರ
ಶಾಮಸುಂದರ ಸ್ವಾಮಿ ಪರನೆಂಬೊ |
ಪ್ರೇಮದಿಂದಲಿ ಹರಿಕಥಾಮೃತ
ಈ ಮಹಾಸುಗ್ರಂಥ ರಚಿಸಿದ
ಹೇಮ ಕಶ್ಯಪ ತನಯರನುಜರ 3